小編繼續同大家介紹日系護膚品,今次要介紹嘅係近兩年大熱嘅Wafood Made(ワ フ ー ド メ イ),就一咁聽個名可能大家無乜印象,咁如果話日本酒粕面膜呢?相信大家近年都唔陌生,簡直係遊日必買,各大藥妝榜單上都有佢嘅身影。

Wafood Made主打使用和食素材為原料,因為日本自古以來就有使用食材作為美容用途嘅民間美容療法,Wafood Made就用呢種日本特殊嘅美容方式結合現代技術,打造多款更有效、更容易保存嘅產品,佢大熱嘅酒粕面膜就係其中一種。

Wafood Made SK系列(酒粕系列)

View this post on Instagram

A post shared by 株式会社pdc (@pdc_jp) on

呢個系列唔洗小編多講,隨便上網一搵就有好多好評。呢個系列可以緩解肌膚暗沉同時保濕,酒粕係製造日本酒嘅副產物,含有豐富嘅熊果素同游離脂肪酸等物質,呢個系列就用咗九州大米『秋色』為原料做成嘅酒粕同阿蘇地區的天然泉水,加入黃瓜果提取物、酵母/米糠發酵精華、柚子籽提取物,唔止可以去角質,打造明亮嘅透明肌,仲可以保濕。

View this post on Instagram

A post shared by 市原彩花 (@ayaka_ichihara) on

用得啱嘅話肌膚立即變得柔軟有光澤,因為老舊角質被帶走,所以有可能立即變白 !點解小編要強調用得啱呢?因為佢最有效嘅面膜係沖洗形式,都幾講究架,有人反映用掃上或者太薄嘅話會無用,都有人反映因為太難洗所以用力搓洗,結果塊面反而更乾,其實幾好嘅護膚品都唔會抵得大力搓洗,記住要用夠份量同比啲耐性啦!

Wafood Made UM系列(宇治抹茶系列)

View this post on Instagram

A post shared by 株式会社pdc (@pdc_jp) on

呢個系列就以緊致肌膚為主,講起日本古食材又點會少得抹茶?呢個系列使用約有400年歷史嘅京都利休園茶屋嘅石磨磨制宇治抹茶,加入漢葒魚腥草提取物,軟化老舊角質,去除角質後收毛孔就更易啦!而且佢不含酒精,如果你搵緊不含酒精嘅收毛孔產品,可以試吓呢個系列。

Wafood Made AZ磨砂膏

View this post on Instagram

A post shared by 株式会社pdc (@pdc_jp) on

唔少用家提到,呢個紅豆磨砂配合酒粕面膜先係皇牌!首先用磨砂膏去除角質,再用酒粕面膜加強皮膚彈性︿2一個星期用呢個組合2—3次,效果非常顯著。不過記住磨砂一定要細細力按摩,如果唔係肌膚好易老化架!

Wafood Made豆腐洗面奶

View this post on Instagram

A post shared by さくらんぼ (@ppp898976) on

呢款豆腐洗面奶采用咗廣島大豆作原料,大豆異黃銅可以令皮膚水潤而有彈性,加上高知嘅鹽滷、海藻提取物,有助打造日常豆腐肌。

之前都有Youtuber開箱過佢地嘅產品,有興趣可以睇下佢嘅介紹: