日本上年曾推出號稱能增強腦部機能嘅「記憶香口膠」掀起熱話，今次再食住上推出「減壓香口膠」，為生活繁忙都市人補充能量！
日本樂天最近就推出減壓香口膠，號稱可以減緩壓力、消除疲勞！香口膠添加了獨特嘅「GABA」成分（γ-氨基丁酸），據講可以有效減輕因學習、工作上所帶嚟嘅精神壓力同疲勞感，睇嚟好啱工務繁忙嘅香港人。
除咗條狀的「減壓香口膠」，日本樂天仲推出埋家庭裝，方便放喺辦公室，俾腦細照完肺，又或俾客鬧爆後，隨時食番粒繼續捱。
如果唔太鍾意食香口膠，可以試試呢款「能量飲料口味減壓糖」。同香口膠一樣添加咗GABA成分。
但要提醒大家即紓壓香口膠或糖唔係藥，亦沒有療效，但千其唔好當糖食，廠商亦有註明一日最多只可以食幾粒。大家下次去返鄉下時，記得入貨喇！
