日本今次又將創意推向新高峰，推出極邪惡蛋黃醬雪條！呢款外號「肥仔雪條」反社會意識極重，喺日本提倡低卡飲食潮流中實行反其道而行，打正招牌標榜蛋黃雪條超勁高卡，單單一支雪條就有307卡路里，仲多過一大碗飯（220卡），天生油浸都唔肥嘅女士梗係無有怕，但如果Keep緊Fit嘅朋友仔就要停一停，諗一諗喇～！
呢款蛋黃醬雪條由大廠森永乳業開發，雪條外層是白朱古力脆皮，包裹著日本第一次推出嘅蛋黃醬口味雪糕同白朱古力內餡，口味配搭極度誘人！亦由於實在太邪惡關係，廠家亦無謂隱善藏惡，直接喺包裝大大隻字寫明「307卡路里 」！誰知日本女絲打不單止無鬧廠商邪惡，仲大讚夠誠實兼口味夠創新，紛紛表示減緊肥都要挑戰禁忌～
作爲賣點！ 蛋黃醬雪條外面是酥脆白朱古力脆皮，包裹蛋黃醬口味的雪糕內餡，極度邪惡的配搭！ 這款蛋黃醬雪條已經在日本正式發售，售價為 140 円，約 HK $11，，預計販售到 2020 年 3 月。不怕肥的朋友是時候挑戰一下另類人體極限！
