標籤: Cafe comme ca

日本嘅Cafe comme ca今日推出2款新蛋糕，使用當季士多啤梨、櫻花忌廉同抹茶忌廉製成櫻花期入面唔同時期嘅樣，真係超靚啊！ 満開～いちごと桜のケーキ～ 950円(銀座店は1,100円) 呢個蛋糕係代表咗櫻花滿開嘅樣，成舍蛋糕都充滿櫻色，用切片士多啤梨同櫻花忌廉一塊塊砌出櫻花滿開嘅樣，細心到連每一塊士多啤梨都切成花瓣嘅樣，唔理你係櫻花控定士多啤梨控都一定會鐘意。 葉桜～いちごと抹茶クリームのケーキ～ 950円(銀座店は1,100円) 至於呢個就係櫻花初開時，仲有綠葉嘅樣。綠色嘅部分使用抹茶蒙布朗忌廉，同埋士多啤梨嘅紅、櫻花嘅粉營造出春意映然嘅春意。