標籤: Pocky

日本嘅11月11日係著名嘅「Pocky Day」，喺呢一日情侶會互送 Pocky，代表甜蜜嘅愛情。Pock亦係情人節非常受歡迎嘅告白小禮物！Pocky 睇準年底聖誕節到年初情人節嘅禮物潮，推出咗限定禮物版包裝「Pocky THE GIFT」，超可愛嘅迷你包裝、粉嫩色調，瞬間成為日本送禮首選！ 每一盒「Pocky THE GIFT」只有手掌咁大，非常迷你，每包裡面只有１４支Pocky，但比原本嘅餅乾棒厚！ Pocky呢次為咗令包裝充滿「禮物氛圍」，特邀廣告創意達人 — 八木義博操刀「Pocky THE GIFT」包裝嘅視覺設計。佢簡化咗巧克力圖案，以童趣感濃厚嘅2D線條代替。