標籤: 青島神社

繼第一日去咗綾城之後，第二日同學仔嘅行程黎到宮崎市中心東南方嘅連島沙洲，青島之上嘅青島神社參觀。青島神社可以講係宮崎必去景點，除咗因為佢係非常靈驗嘅戀愛神社，仲係因為呢度有著名嘅大自然景觀「鬼之洗衣板」，一個地方兩種玩法，係老少皆宜嘅景點。 青島神社亦有姻緣之社稱，吸引大批信眾前往求姻緣。 繪馬都係心型架！ 有同學仔就影到之前香港人黎到許嘅願望，隔咗３個月都仲健在，無比人破壞到～ 同學仔佢地一大清早喺酒店食完早餐之後，一行三十幾人沿住岸邊，行去呢個連島沙洲-青島之上嘅青島神社參觀。跟據最早喺國司巡視記“日向土産” 上嘅記載，神社裡面供奉咗「彥火火出見命」、「豐玉姬命」及「鹽筒大神」三位大神，分別為結緣、順產與家庭健康以及海上安全等提供庇佑。