標籤: 東京奧運

網上對於日本應對疫情嘅效率同不果斷有好多唔同猜測，有人覺得係無經歷過SARS，都有人提出因為4月習總訪日，呼聲最大嘅莫過於係因為要搞東京奧運。 日本奧運相橋本聖子昨日(3月3日)係參院預算委員會會議上，提出關於受武漢肺炎疫情蔓延對東京奧運會嘅影響表示：「雖然不是官方見解，但國際奧委會（IOC）委員曾發言稱5月底或許是最後期限。我們認為5月底可能成為大致標準。」橋本亦講會大力向國家奧林匹克委員會（NOC）及IOC委員發佈相關信息。佢強調：「將努力令IOC確信，並判斷東京奧運會能夠安全舉辦。」 橋本認為，根據《舉辦城市合同》，奧運可以在2020年內進行延期，有人認為佢言下之意係暗示有可能推遲至年底。但佢亦都有表示：「目前奧組委、IOC和東京都以7月24日開幕為前提全力以赴，作為中央政府將切實給予支持。」