忍者潛入敵陣刺探敵情時被敵人發現只好拔劍而戰…帶小朋友睇呢類劇場一定好開心。

「火影忍者」大家無睇過都肯定聽過,之但係睇現代創作嘅忍者睇得多,反而真正了解史實上忍者到底係咩一回事嘅機會少之又少。去九州玩時嚟到佐賀縣,不妨嚟嬉野市嘅忍者村「肥前夢街道」,體驗一下忍者修行。條村唔算好大不過應有盡有,本身係江戶街,有嘢玩有嘢睇有體驗,好似手裡劍投擲體驗、機關小屋、忍者劇場等等,大人玩都過癮,帶埋小朋友嚟就仲開心。最緊要一定要租衫玩cosplay,化身忍者、武士、公主又或者藝伎,展開一場江戶時代浪漫譚,順便可以打卡呃like。仲有一大賣點係忍者村正正位於嬉野温泉鄉,去忍者村玩半日出一身汗之後浸返個靚溫泉,簡直係完美一日行程!

元祖忍者村 肥前夢街道
地址:佐賀縣嬉野市嬉野町大字下野甲716-1
電話:0954-43-1990
交通:JR九州武雄溫泉站轉乘JR九州巴士往嬉野温泉方向於「公會堂前」站下車徒步約10分鐘
網址:http://www.hizenyumekaidou.info/

分享
Go!Japan編輯部師奶殺手!個人專欄《型事偵緝檔案》、《壹號黃庭》統統唔出得街,另有編務歌神之稱,一曲《深花放》唱到街知巷聞!