大家好,我係阿榮。

驚有啲朋友仔唔知,我喺早前搬咗新屋,講咗十年終於離開到share house,講真要搬離住咗年幾嘅地方點都有啲傷感嘅…………只不過可以住新地方真係好興奮!!!!新地方新環境唔買買新傢俬點得!!!!!同喺香港買傢俬唔同,喺日本有好多傢俬都係要自己砌,咁當然就咁砌好嘅傢俬都有賣,不過多數自己砌嘅係平啲,同埋我覺得自己砌都幾好玩,本身係幾塊板,睇住說明書砌砌吓就砌到件傢俬出嚟,個成功感都幾大㗎!!!!!!所以我最近買嘅電視櫃都係砌!!!!!!但係,點知…………

個櫃係上網買嘅,其實我都揀咗好耐㗎喇,想搵個大少少嘅,等我可以放晒屋企啲濕星嘢入去吖嘛,搵咗個幾星期,終於搵到啱心水!!!不過佢有樣嘢令我卻步……原因係……佢有啲大,我諗加埋有兩米長……我以前砌開啲細櫃仔㗎咋!!!!2米大櫃點砌呀!!!!於是乎我就睇吓啲人嘅feedback!!!!睇完立即鬆咗口氣!!!!因為好多人都話好簡單㗎咋,冇咩點砌嘢嘅人都係用咗兩個鐘倒……嘩兩個鐘都好耐吓,咁我呢啲有砌過嘢嘅人一個鐘應該搞掂啦!!!!所以我就二話不說咁買咗!!!!

件貨一到,一拎上手,好重!!!!!!!

唔緊要,重唔關事嘅!!!!好開始砌!!!!

我由晚上九點開始砌,一砌,砌到凌晨1點,仲要未砌完。

吓!?!?!?!?!?!?!?!?!?!??!?!
又話兩個鐘嘅!!?!!??!?!?!?!?!?!?!?!?!?!?!
呃人嘅!!!!!!!!!!!!!!!!!

件貨又重,啲零件多到乜咁,我用手慢慢將一粒又一粒螺絲轉入個櫃度,仲要唔小心轉歪咗,結果嗰粒螺絲轉返出嚟又轉返入去,轉極佢都係歪嘅,我轉到佢連個頭個十字都唔見埋都轉唔返啱!!!!!!!!!!!!

啊!!!!!!!!!!!!!!!!!!!汗都流咗十公斤!!!!!!!

結果我第二日放工返到去用多三個鐘砌。
人哋用兩個鐘,我就用咗兩日。我開頭仲要笑人哋用兩個鐘咁耐。
對不起我錯了!!!!!!!!!!!!!!!!!!!!!!
不過砌到個吓真係好有成功感,有嗰種「媽咪我得左喇!!!!!!!!!!!!!!!!!!!!!」嘅感覺!!!!!

雖然今次咁痛苦,但如果有得俾我再揀,我都係會再揀自己砌嘅!!!
下次砌咩好呢~~~~

最後給大家一張我嘅心血結晶。

分享
一個普通平凡的香港人,二十五歲時決定隻身遠赴日本工作,目前於鄉郊之地努力奮鬥中,所經歷之事被認為有點慘情(好似係)。並非勵志故事,純屬胡言亂語。