與THOMAS開場派對吧!

搖搖晃晃大冒險!坐上小火車,沿路軌遊遍充滿別緻裝潢的房間,參與由THOMAS與朋友悉心策劃的派對,感覺有如小小世界!

去小火車樂園玩到盡,覺得前文所述的設施較適合年紀稍長的孩子,擔心還在就讀幼稚園和初小的小朋友沒有好去處?可以放心!皆因富士急內有個THOMAS LAND,內裡一共有十款適合幼兒的機動遊戲,即使是過山車亦將刺激程度調得剛剛好,不會嚇親小朋友,也不會失去應有樂趣,定能玩得盡興!園區內還有可看到THOMAS小火車經過的主題餐廳,以及商品齊全又可現場試玩的商店,外加不少影相位,一家大細淨玩THOMAS LAND坐底都要半日!若小朋友是THOMAS迷,也可考慮入住一晚富士急樂園度假飯店,因為裡面有數間主題房,除了裝潢和日用品都落足心機,部分更放有火車頭!但由於非常受歡迎,要預約記得趁早!

初段隧道的天花板藏有玄機,記得一上車就準備好相機喇!
主題餐廳K’s湯瑪士兒童餐廳於今年才重新裝修,內部設施如洗手盤位置更加方便一眾家長。
水上飛船會經過索多島等故事場境,最後濺起一個小水花作結,是園內人氣之選!
CHILD IN CAR磁石貼 – 這款園區限定的磁石貼最適合有車的家庭!

飛鏢道場新宿忍者機關屋 成為忍者之路

講到忍者,火影忍者喺近年相信已經成為忍者嘅image,夠哂深入人心,又識分身,又可以飛簷走壁,直頭係小編兒時嘅憧憬,但其實好多人對忍者本身都無乜認識,不過唔緊要!黎到飛鏢道場新宿忍者機關屋,就可以知道傳統忍者嘅知識,同時亦係以體驗形式進行,可以寓學習於娛樂亦唔乏味,一家大細親子遊就啱哂啦!門口的通道由十數個鳥居組成,就好似時光隧道咁從現代穿越返到去忍者嘅時代咁!行到前台俾咗入場費後就開以正式開始體驗㗎啦,玩法以小組形式進行,最多為12人,場內分咗不同房間,全程會由館主湯本先生化身忍者老師為大家引路,務求助大家完成各種修行,踏上忍者之路!唔識日文唔成問題,湯本先生亦能夠以英語講解,非常貼心。

武器盤點忍具篇

要成為忍者嘅第一步當然就係要精通各種忍具先啦!固然之黎到第一間房打頭陣嘅當然就係忍具解說。湯本老師親自為我哋示範唔同忍具嘅使用方法,以及講解佢哋嘅歷史,絕對有板有眼。唔好以為啲忍具只係眼看手勿動,係可以拎上手感受吓㗎!小朋友都唔洗擔心無武器揸手嘅,呢到亦有非常安全嘅木刀,專為小童而設,非常安全,咁爹哋媽咪就可以放心俾小朋友投入學做一個出色嘅忍者啦!

手甲鉤 – 係忍者進行暗殺時嘅必要裝備之一,除了攻擊外,仲經常用作攀爬用途,要飛簷走壁就要靠佢!
撒菱 – 顧名思義為菱角形,忍者會以竹筒收藏,在逃走或設陷阱嘅時候灑於地上。而撒菱本身係水草中嘅果實,可以食用。
手裡劍 – 可謂忍者嘅代表,具不同形狀,但其實最初因為成本問題,忍者係唔會用黎投擲,只係以暗器形式收喺掌心中刺殺敵人。

上完一課後,就梗係唔少得落場實戰啦,黎到呢間房就係考驗你掟飛鏢同劍術究竟有幾成功力,完唔完成到修行就係睇呢鋪啦!唔好以為係體驗就好濕碎,畢竟啲道具都係彷真,飛鏢、刀劍全部都有返一定重量,要中目標都真係有返一定難度。不過又唔洗緊張,老師由姿勢到實際都教到足。要成功滿師做忍者,其實唔難!

體驗全程約25分鐘,能彈性安排時間。場館位於新宿,附近亦較多景點可作搭配。JR新宿站東口徒步約8分鐘到達,不過位於歌舞伎町夜晚人流會較複雜,建議日間前往,入場費為每人1,000日圓。

要成功掟出飛鏢兼中目標,的確係需要一定程度上嘅技術,但問過湯本老師,原來係無特定手法投擲,最重要都係憑感覺!

另外仲有一個小任務,話明係機關屋,就係要搵出場內所有機關至算合格,喺探索過程,話唔埋會搵到寶藏?呀!

飛鏢道場新宿忍者機關屋
地址:東京都新宿區歌舞伎町2-28-13 第一和幸大廈4樓
電話:03-6457-3337
營業時間:10:00am-9:00pm
定休日:星期二及星期三
收費:成人1,000 日圓、3歲以下免費
交通:JR新宿站東口徒步約8分鐘
網頁:http://ninja-trick-house.com/zh-TW/