大家好,我係阿榮,今次仍然要同大家講下喺田舍生活同城市生活有咩分別。其中一個最大嘅分別就係「金錢的運用」。

嗱!你話鄉郊物價有無平啲呢,我就唔清楚,但係講起屋租呢!呢度真心平好多!!!以我而家住緊嘅apartment為例,距離車站只要行五分鐘度,單車只要分幾鐘only,間屋八疊,有晒廁所廚房,房租只係要兩萬七!!!!!!!!!!!!!喺東京呀大阪,甚至金澤呀!都未必有呢支歌仔唱!!!以我間屋個條件,城市無五萬都走唔甩!(不過食得鹹魚抵得渴,你一出門就只有田同埋田,仲有既就係田囉)雖然係鄉下地方,人工無城市咁高,但係喺呢度!!我真係無用錢嘅機會。基於平日放工就返屋企,放假又無定去嘅關係,有好多朋友都同我講:「有錢無定使喎!!!咁你而家實大把身家,好有錢啦!!!」哼…錯喇…錯喇…你哋全世界都錯喇!!!!!!!!!!!!!!!!!!!儲錢?你以為呢個世界真係咁完美架咩?!?!!?有錢無定使呢啲咁令人妒忌又可恨嘅說話我呢一生人會有機會講出口咩?!!?喺日本,你要使錢嘅,無論喺邊,你都可以使到!!!我仲未成為到百萬富翁係因為日本嘅通販!!!(即係網上購物)唔使出街,只要係網上撳幾個掣,啲野就自然嚟到我面前,而且仲好方便!!!通販除咗快,兩三日就到之外,日本郵政同速遞真係好勁,我揀個啱自己嘅時間,喺門口等送件阿叔撳門鐘,真方便到無倫!!!其實日本通販真係唔錯,除咗你喺鄉郊都可以日日shopping外,有時真係可以唔使面對日本sales都幾開心。佢哋係就好好客,但實在太熱情喇!!!!成日都嚟問你嘢、介紹你嘢、再唔係就搵啲唔關事嘅嘢嚟讚你!「嘩你對鞋好靚」「嘩你個髮型好好睇」等,我次次都係9笑應佢等佢知難而退咋…其實有時我想自己一個靜靜睇吓嘢啫…

最後離咗題,SOR!總之,鄉郊生活你係可以儲好多錢嘅!!!!至少比大城市容易啲啲,但實質儲唔儲到,都係睇人架啫~

畀一張我屋企出面乜都無嘅相大家睇…

分享
一個普通平凡的香港人,二十五歲時決定隻身遠赴日本工作,目前於鄉郊之地努力奮鬥中,所經歷之事被認為有點慘情(好似係)。並非勵志故事,純屬胡言亂語。