原宿刺蝟Cafe 爆發最強萌勢力!

狗狗或貓貓Cafe就聽得多,原來而家連刺蝟都有佢哋專屬的Cafe!呢間Harry Cafe共有兩間分店,今次到訪的原宿店於今年2月才剛開幕,而原宿站就在店旁,交通十分便利,可說是鬧市中的治癒天堂!

驟眼望牠們就如倉鼠一樣,圓滾滾的雙眼更是惹人憐愛!
佢就係全場人氣No.1嘅阿Bob,一般刺蝟只重300g至500g,但阿Bob太為食,而家已經成1kg重。
店內氣氛溫馨,玩完30分鐘後唔捨得走亦可以望多兩眼,或影相留念,不怕店員會趕人。

店內大概有30多隻刺蝟,全部都被放進在箱子裡,但並不是隻隻都可以觸摸,特別是剛出生而身形較細小,就只能隔著透明箱子觀察牠們。看到職員示範時就能夠輕易徒手抱起牠們,小編都急不及待跟著做,但由於刺蝟會周圍竄動,手就被其背刺弄得有點痕痛的感覺,所以建議各位新手們可以用店內提供的手套去抱起刺蝟。

首次接觸刺蝟的人首要學的是抱法。從腹部入手,就不用怕被刺到,或弄傷小刺蝟。
睇吓佢哋肥嘟嘟幾可愛~

未親身接觸刺蝟之前,小編跟大部分人一樣覺得刺蝟總給人一種難以親近的感覺,不過來到這裡就顛覆了過往的想像,只要花點耐性及心思慢慢撫摸牠們,就看到牠們露出傻氣表情,加上肥嘟嘟身形,有誰不會被迷倒?!

一入門就會有門票機,門票價錢已包括飲品放題。買完飛記得先消毒雙手再去親親刺蝟啊!

一進店內先購買門票,每次親親刺蝟時間為30分鐘,可以選擇只觸摸或者觸摸加餵食的票券,如想「encore」就可視乎人流而續買票券。買好門票後,店員就會帶大家到箱子前坐下,經簡短示範後就可以親身上陣!

要和刺蝟建立關係,參與餵飼體驗會是一種好方法。
運氣好說不定還可以見到牠們跑滾輪的樣子呢!

每隻刺蝟個性都各有不同,有的較文靜,有的則較活躍,但全部都十分乖巧!點先知同佢感情好唔好?只要見到刺蝟攤開最柔軟的腹部,就是對你表達親密和信任的感情,唔知大家又有冇信心可以令刺蝟「放開懷抱」呢?