即使沒有看過《花生漫畫》，也一定認得裡面的白色狗仔Snoopy和他的主人查理布朗。原來外表可愛、造型多多的Snoopy也深得日本人歡心！早在2014年4月，Snoopy便帶著牠的朋友來到九州插旗，開設Snoopy茶房。
為咗打入日本市場，Snoopy其實好識do，入鄉隨俗換晒和服兼化身成和風料理，務求令更多人認識佢，兼且拜倒喺佢嘅萌樣之下。結果仲進駐三重縣，開埋伊勢分店囉！
貴為全世界首間和式茶寮，由布院的Snoopy茶屋從外部便已花足心思。茶屋主要分成三個區域，首先為室外的雪糕小屋。若然沒有時間入內慢慢逛，買杯綠茶雪糕消消暑也是不錯選擇。
抹茶味香濃，甜而不膩。而立體的Snoopy從Latte冒出頭來，淨係賣相已經加晒分。
不過嚟得囉，就梗係要入去朝吓聖！茶屋內部設有商店，甫進屋便有大大隻Snoopy坐在鞦韆上悠哉悠哉的迎接大家。商店內從公仔到小食都應有盡有，亦有不少在這裡才買到的限定商品，各位Snoopy fans預咗買到大出血！
「行司」為相撲裁判，穿上行司服的Woodstock威風得嚟又帶點呆萌，都幾cute cute㗎喎！
白色的陶瓷茶杯上，畫有Snoopy、查理布朗和Sally的圖案，簡約得嚟又不失可愛，飲茶都開心啲！
（中）罐裝三色仙貝 / 735 日圓
（下）罐裝小櫻仙貝 / 735 日圓
鐵罐上畫有和服打扮的角色，食完仙貝留返嚟放小物就最啱！
而食物方面，多款餐點全部睇得又食得，可愛得嚟味道方面都有保證。不過最緊要都係畀相機食先，用嚟打個卡呀嘛！睇怕fans嚟之前除咗儲定彈藥，仲要記得留返啲手機同相機嘅記憶體容量！
除了熱香餅上的忌廉和定番的雪糕，還附有彈牙的抹茶蕨餅，非常足料。
以本地蛋製成的嫩滑蛋皮，配上廚師親手調配的香濃牛肉汁，令人食指大動。
超大Snoopy任你影！
嚟到Snoopy茶屋，又點可以唔同主人翁影返張相先得㗎。窗邊的梳化放咗一隻半個人咁大嘅巨型Snoopy，無論你想高抄自拍，抑或攬實花痴，都一樣任影唔嬲！
- SNOOPY茶屋
- 大分縣湯布院市湯布院町川上1524-27
3月11日至12月10日 商店 9:30am-5:30pm、餐廳 10:00am-5:30pm
12月11日至3月10日 商店 9:30am-5:00pm、餐廳 10:00am-5:00pm年中無休
