標籤: 士多啤梨
【瘋食瘋購】不論如何食雪糕都係重要的事! 日本推出士多啤梨朱古力薄荷雪糕杯
尋日小編有留意到有Fans留言:「去日本1.食蛋糕。2.食雪糕」(無錯我睇到你啦頭號粉絲 XD),咁講完蛋糕就梗係要講雪糕啦!赤城乳業今日推出士多啤梨朱古力薄荷雪糕杯,一推出已經有唔少網友去咗試新口味啦!
原本赤城乳業推出嘅朱古力薄荷雪糕杯就已經大受好評,為迎接今個春天推出士多啤梨朱古力薄荷雪糕杯,帶士多啤梨香氣嘅薄荷雪糕入面混咗一片片朱古力碎,甜蜜清爽層次又豐富!
View this post on Instagram ...
瘋食瘋購|沐浴在櫻花世界之中! 五日期間限定SAKURA CHILL BAR 2020 by 佐賀
隨天氣慢慢回暖,日本嘅櫻花季就黎到啦!東京澀谷嘅Fiore Pizza Dining&Bar就將會係3月化身為期間限定概念酒吧SAKURA CHILL BAR 2020 by 佐賀,大家一邊沐浴於櫻花之中,一邊品嚐美酒簡直係櫻花季嘅夢幻行程!
酒吧內全部都係夢幻嘅櫻花花瓣,散落於室內嘅每一處,重頭戲當然就係大堂中嘅大櫻花樹同樹下裝滿120萬塊櫻花花瓣嘅「櫻花浴池」,被360度嘅櫻花包圍住嘅大家,除咗賞櫻打卡,仲可以品嚐到佐賀清酒同特別菜單上嘅美食!簡直係人間一樂也!
瘋食瘋購|冬天就是要士多啤梨 氷結啤酒限定推出士多啤梨味
係呢個士多啤梨嘅季節入面,當然就要喪食士多啤梨料理,依家連麒麟旗下氷結啤酒都推出士多啤梨味,一推出就大受日本網民歡迎,紛紛於網上推薦!
View this post on Instagram
A post shared by キリンビール (@kirin_brewery) on Nov 19, 2019 at 12:15am PST
今年廠家使用「スカイベリー(skyberry)」入酒,skyberry係日本高級士多啤梨之一,又大又靚又好味,係屬於超香甜嘅巨莓,唔洗加練奶都已經夠晒甜。
而今次士多啤梨味 KIRIN啤都因為skyberry變得香甜而入口,skyberry嘅果香結合Kirin啤本身嘅清爽,比起舊年推出嘅版本更令人感到甜美嘅幸福。
由於今次係限定商品,係日本嘅大家要把握機會啦!!
便利店商品情報|日本FamilyMart必食!冬季限定士多啤梨泡芙返黎啦!
日本FamilyMart年年都會係聖誕前後推出超人氣嘅士多啤梨泡芙,今年都唔例外,由平安夜開始發售!大家仲唔手刀去食?
便利店商品情報|不讓士多啤梨三文治獨尊 日本7-11士多啤梨新商品一浪接一浪
尋日同大家講咗日本7-11推出嘅士多啤梨三文治,日本人又點會就咁放過個美好嘅士多啤梨季呢?今個星期就先後推出多款士多啤梨商品,搶攻大家嘅胃(或者銀包)。
#士多啤梨朱古力冬甩 105円連稅 (12/24推出)
酸甜嘅士多啤梨朱古力淋係冬甩上面,相信會令甜食控一個接一個放入口!
#九州限定 士多啤梨豆沙包 140円連稅 (12/24推出)
豆沙包變成士多啤梨嘅粉紅色,使用福岡產嘅甜王製成嘅果醬、豆沙同忌廉作為內餡。
便利店商品情報|69卡的士多啤梨雪條 食多幾條都唔怕!
去親日本都會肥幾磅先返到香港,真係又愛又恨啊!尤其是女仔最愛嘅草莓季,每日都一定要食到士多啤梨或者係士多啤梨味嘅野先對得住呢個季節!日本Lawsons就推出咗呢枝士多啤梨雪條( ¥ 185),一枝得69卡路里,日日食都唔怕啦~
呢枝雪條使用栃木縣產嘅士多啤梨製成,士多啤梨嘅香味化成清爽嘅冰品,酸甜味道可以解膩,食完飯去買返枝黎食真係超正!而且呢條雪條係0脂肪,簡直係吃貨嘅恩物,好味又無負擔。
唔少網友都表示呢條雪條好爽口,係真嘅士多啤梨味,唔係D假嘅藥水味雪條,而且入面仲有果肉,好似食緊真正嘅士多啤梨刨冰一樣 !
便利店商品情報|士多啤梨嘅季節又黎啦! 日本7-11推出士多啤梨三文治
12月開始又係士多啤梨嘅季節,日本7-11都因應推出士多啤梨三文治(300円連稅),一上架就造成網民熱話~大家去日本一定要去買黎試試!
日本東京五級濃度士多啤梨Galeto~粉色系少女心 啖啖濃郁鮮草莓香超幸福!
日本曾經推出過唔同濃度抹茶朱古力、抹茶雪糕等甜品,令一眾抹茶控大飽口福!士多啤梨作為另一款熱門口味,又點少得佢?呢個風潮近日漫延到士多啤梨,日本東京有甜品店推出「五級濃度士多啤梨Gelato」,簡直係士多啤梨控嘅福利!
推出呢個超有少女心嘅五級濃度士多啤梨Gelato嘅,就係嚟自日本東京嘅士多啤梨甜品專賣店 いちびこ(ICHIBIKO Strawberry Cafe)!
開幕兩年幾嘅 いちびこ,店裡主打以農場直送士多啤梨所打造嘅甜品,一踏入店內已經聞到香甜又清新嘅士多啤梨香,絕對係士多啤梨控嘅天堂!今次更加碼推出擁有五種唔同濃度嘅士多啤梨 Gelato,顏色深淺度唔同嘅淡粉色系雪糕,實在太有少女心啦!
五款士多啤梨 Gelato 分別有 30% 鮮士多啤梨、60% 鮮士多啤梨、士多啤梨牛奶、士多啤梨乳酪同埋三重莓果味意大利雪糕...