大家好,我係阿榮。

嚟到日本之後,我好鐘意問日本人一個問題:

「你識唔識揸車?」

十個有九個半都會答我識!!!!!果然!!!!!佢地當車牌好似身份證咁㗎,好多手續上既嘢呀登記呀之類,香港會係show身份證去證明自己,而係日本多數係show駕駛執照!

日本同香港一樣,18歲就考得車牌㗎,佢地除咗都有好似香港咁一星期上幾堂咁去學車,但如果一班人嘅話係一齊報一啲合宿,去其他縣密集式訓練兩星期咁考個車牌番嚟!

其實我之所以成日都走去問日本人識唔識揸車,係因為我想揾同伴,為何我會這樣說?因為我都冇車牌囉!!!!!!!係日本冇車牌真係好唔方便,特別係鄉下地方,所以我個陣係石川生活真係好困擾㗎!!!!去個100yen店都可能要由屋企揸15分鐘車先到,對於我呢啲冇車人士,淨係得部單車代步,你話想去娛樂想周圍去都幾難丫!!!!!方圓十里都係田、田、田同埋田⋯⋯⋯⋯⋯⋯我個陣個個同事都揸車番工㗎,係得我一個朝朝好青春咁踩單車番工~~

「車你唔考啫!」

錯喇!!!!!!你錯到負100分呀!!!!我當年未去石川個陣就係知個度都唔慌城市㗎喇(不過估唔到我住個度真係慌成咁姐。),所以我特登喺香港考車牌㗎!!諗住考完等一年之後拎國際車牌!!咁到時我就可以周圍去唔使求人!!!!點知!!!!!!!點知!!!!!!我竟然考路試都肥咗!!!!!!我仲要係考自動波咋!!!!都肥!!!!個次肥佬令我對揸車失去哂信心,其實我學個陣真係學得唔係幾開心㗎喇,但我知我係唔適合揸車,廢事到時搞出啲咩意外就唔係幾好啦!!!

車牌除咗解決生活上嘅需要,好多日本人都當係一個消閒活動,有幾次我問而家嘅同事放假做左啲咩嚟,佢地都答我去遊車河~會一邊揸車一邊聽歌,去到某啲point落車影下相睇下景咁~好relax呀!!!!!!!!係香港就難去做呢啲嘢囉(好似係)

而家喺大阪生活,冇車牌其實又唔會影響到生活,不過咁,好多城市人都會有車牌,因為佢地有陣時都會揸好多個鐘頭車去其他縣玩~雖然我都好想試下自駕遊,不過我諗暫時都唔會考慮考車牌啦,因為我唔想害人呀!!!!!!

最後給大家一張完全唔關事,係我早排去ROCK IN JAPAN嘅相。(如果我識揸車都想試下揸車去fes)

分享
前一篇文章很少談我所在的業界
下一篇文章日本真.國民美食—蜜柑
一個普通平凡的香港人,二十五歲時決定隻身遠赴日本工作,目前於鄉郊之地努力奮鬥中,所經歷之事被認為有點慘情(好似係)。並非勵志故事,純屬胡言亂語。

留下回應

輸入你的評論
輸入你的名字