又到年尾清假時節,仲未諗到去邊好?日本環球影城話你知,大阪絕對係個好選擇!今個冬天,樂園就為你準備咗命為「環球奇幻聖誕節」嘅一連串精彩節目,包保你由日頭玩到夜晚都無一悶場。想知全新冬季娛樂項目有幾炙手可熱,就等去完嘅小編為你徹底剖析3大必玩節目!


必玩其壹:
迷你兵團聖誕瘋狂派對

Despicable Me, Minion Made and all related marks and characters are trademarks and copyrights of Universal Studios.
Licensed by Universal Studios Licensing LLC. All Rights Reserved.

本年度嘅環球影城可謂迷你兵團嘅天下,先有主題園區於年初新開幕,嚟到冬季,則有「迷你兵團聖誕瘋狂派對」陪你過一個瘋狂聖誕。今個冬天,Minions將會換上應節新裝,每日喺園區內大搞花車巡遊party,誓要用熱情將遊客身上每處寒意都逼走!花車行走期間,迷你兵團非常歡迎大家隨著背景音樂節奏起舞,觀眾仲有機會伸手觸碰飛到眼前嘅氣球,當色彩繽紛嘅氣球噴出大量紙雪花時,場內即刻迎來氣氛最高潮!小編似派對動物坐著實在太悶,所以都即刻跟住Minions郁下手郁下腳,就算天氣有幾凍都即刻暖晒啦~

Hello Kitty都係花車主角之一!

同場加映精品換新裝

又到聖誕,當然唔少得聖誕樣式嘅迷你兵團造型小食。小編首推聖誕帽裝扮嘅爆谷桶,可以除帽之餘又會眼碌碌,一個唔覺意又做敗家仔女。

鹽焦糖爆谷~香蕉味~(Merry Christmas!爆谷桶包裝) / 2,980日圓

聖誕迷你兵團夾心餅乾~士多啤梨蛋糕~ / 600日圓
  • 迷你兵團調皮百厭聖誕派對

  • 地點:荷里活區

  • 舉行期間:即日起至2018年1月8日(1天舉辦1至2次、舉辦次數和時間因日子而異)


必玩其貳:
霍格華茲™魔法之夜~冬季魔法~

HARRY POTTER characters, names and related indicia are © & ™ Warner Bros. Entertainment Inc. J.K. ROWLING`S WIZARDING WORLD™ J.K. Rowling and Warner Bros. Entertainment Inc. Publishing Rights © JKR. (s17)

那一邊廂迷你兵團大開party,這邊廂另一人氣班霸「哈利波特魔法世界」亦不甘示弱。計小編話,識玩哈利波特主題園區一定係趁冬天玩,貪呢個時候可以充分體現活米村嘅雪白世界觀嘛!今年仲會有首次登場嘅「霍格華茲™魔法之夜~冬季魔法~」,入夜後鋪滿白雪嘅霍格華茲城堡將會投射出充滿季節氣氛嘅光采,加上魔法界舞蹈會場等電影場景穿插其中,令到忠心如粉絲如小編見到電影場景重現人間都感動得內心在淌淚,一眾忠心麻瓜仲唔快快坐上魔毯(飛機)朝聖?

自日落30分鐘後至樂園關閉30分鐘前,霍格華茲城會上演一幕幕燈光視覺盛宴。
圖片提供:日本環球影城
活米村建築物都換上積雪仕樣,係冬天入村嘅遊客先有嘅福利。
魔法體驗亦新增聖誕期間限定版本。只要對著聖誕樹大喊魔咒「LOCOMOTOR」以及「LUMOS」,就可以輕易移動樹上裝飾物。
經典飲品「奶油啤酒」換上冬天限定版本「熱奶油啤酒」登場,貼心為各位魔法使保暖。
圖片提供:日本環球影城
  • 冬季哈利波特魔法世界

  • 地點:活米村

  • 舉行期間:即日起至2018年2月28日(舉行及結束日期因活動而異)


必玩其參:
天使的奇蹟Ⅲ ~The Voice of an Angel~

正所謂「越夜越有機」,環球影城入夜後一樣耀眼得神奇。臨走前記得要睇埋重頭戲「天使的奇蹟Ⅲ ~The Voice of an Angel~」,大受好評嘅聖誕表演今年依舊會同大家見面,曾2度獲頒世界性權威獎項嘅演出內容豪華至極不在話下,今年仲會新增全新設計嘅聖誕樹。高約30米嘅新版本為世上起用最多燈泡數量嘅人工聖誕樹,多達57萬顆嘅總數更令其被列入健力士世界紀錄,聖誕樹在發熱發亮,殞石鑽石通通失色無相,而且表演尾末段更會連續發射多串煙花,為一日旅程劃上彩色休止符,唔睇走寶!

欣賞完天使們嘅精湛演出再去耀眼聖誕樹下影返張靚相,今個聖誕至夠難忘。
圖片提供:日本環球影城
  • 天使的奇蹟Ⅲ ~The Voice of an Angel~

  • 地點:紐約區(格拉梅西公園周圍)

  • 舉行期間:即日起至2018年1月8日
    ※聖誕樹亮燈將於「天使的奇蹟Ⅲ~The Voice of an Angel~」表演途中舉行。表演以外時間也可欣賞。


未走得住!
再去聖誕市集掃街

嚟到USJ玩到成身㷫烚烚,心情大好搞到連胃口都感覺大咗幾倍。好彩園內有聖誕市集照顧大家醫肚需要兼慢慢感受異國氣氛。玩到興起肚餓時,不妨去聖誕市集湊湊熱鬧,美食車出售嘅小食款款都暖到入心,先有大過小編塊面嘅火雞脾,再有新式甜筒型朱古力火鍋,啱晒邊行邊食!

新款甜品—「甜筒型朱古力火鍋」,粒粒士多啤梨正好中和咗朱古力甜味。
拍埋一睇,就知升級版雞脾有幾巨型!
圖片提供:日本環球影城
火雞雞脾表面灑上大量芝士,買完仲可以玩小遊戲,成功挑戰嘅朋友可以再即時升級巨型版。
分享