大家好,我係阿榮。
早排趁日本黃金週,番咗香港見下親朋戚友!

呢一轉有幾樣嘢令我深深感受到喺日本生活同香港有咩唔同,暫時總結如下:

1.天氣:嘩唔好講笑!!無見香港一排姐,以為佢會生性無咁濕納納同焗豬豬啦!!點知三歲定八十!!仲係咁焗咁辛苦!!!我差啲喺地鐵月台呼吸唔到暈咗!!喺日本,夏天係會好九熱,但佢熱得嚟唔濕,真心舒服好多,無嗰種黏糊糊嘅感覺差好遠㗎!!而且佢又無咁多高樓大廈擋晒啲風,空氣流通唔會焗,所以喺香港呼吸唔到嗰一秒,我頓時感到日本嘅美好~

2.使用便利店嘅次數
如果喺香港去7仔嘅次數程度係5嘅話,我諗我喺日本去便利店嘅程度會係100!!!!基於我而家份工成日都要OT,無時間煮嘢食,所以我幾乎三餐都會係買便利店嘅嘢食,日本嘅便利店出咗名好食又好玩,有好多正正食品之外又會有「一番抽」呢啲抽獎同玩具賣~而且喺日本便利店買嘢,我又唔太覺得會貴過出面好多,你知啦,香港便利店嘅價有陣時真係貴到好難理解㗎嘛!所以番到香港,去到便利店發現佢好唔便利嗰陣,我真係又有兩秒掛住咗日本~

3.買衫
嗱呢鋪就香港贏喇!!!我喺日本咁耐就期待番香港買衫買鞋咁耐哈哈!!!!日本啲衫係靚,質地又好,但係啲鋪頭成日出差唔多款,同埋重點係⋯⋯佢好貴囉!!!!減價嗰陣係好抵,但唔係成日減嘛⋯⋯有時手痕買咗一兩件就已經發現自己洗突咗,喊出嚟!喺香港,店鋪嘅背後有強大淘牌,真係抵好多,有陣時平平地買19幾件著下過下季咁,當你發現自己買完19幾件之後先至係喺日本買咗兩三件嘅價錢嗰陣,都咪話唔爽!!!

4.車費
最後一樣喇,大家成日都話日本車費貴,以前我都好覺㗎,但今次番完香港之後,其實無學生飛嘅成人們要畀嘅車費已經可以追得上日本了⋯⋯

本身以為番到香港會覺得唔慣,但原來我仲係可以立即轉Channel,好似無走過咁自然地喺呢個城市生活。日本同香港,兩個都係我好喜歡嘅地方!!!!!!
最後給大家一張番香港食久違嘅茶餐廳食物相。

分享
一個普通平凡的香港人,二十五歲時決定隻身遠赴日本工作,目前於鄉郊之地努力奮鬥中,所經歷之事被認為有點慘情(好似係)。並非勵志故事,純屬胡言亂語。