大家好,我係阿榮!夏天都到尾聲喇,唔知大家過成點呢?

我諗識我嘅人都知,我夏天有一個節目係一定會做嘅,就係去日本嘅夏天音樂節!!!!(以下稱之為夏FES)香港比較大型嘅可能只有Clockenflap,但係日本真係有無數個大型音樂祭,而夏天係特別多㗎!!!!我眼中最出名嘅係FUJIROCK﹑SUMMER SONIC同ROCK IN JAPAN!!!我稱佢地為三大夏FES!!今個夏天我去咗FUJIROCK同SUMMER SONIC OSAKA!!!!

首先講下7月尾嘅FUJIROCK,佢係喺新潟一個滑雪場搞嘅一連三日音樂祭!呢個FES係主打同大自然玩遊戲呀!!!!除左可以露營,仲有小溪呀樹林咁可以親近大自然~喺佢地請咗嘅過百組artist入面,有過半都係海外樂隊,當中通常會有幾隊國際級勁嘢,今年就請左sigur rós、Red Hot Chili Peppers同Beck,呢啲真係隨時喺街揾個人傾計都可能會係佢地嘅樂迷!佢地仲會請好多喺亞洲未係好出名又好有特色嘅artist,通常去到凌晨都仲會有show睇,夜媽媽同個friend飲住啤酒邊聽音樂邊吹水邊享受大自然,都咪話唔正!!!不過去FUJIROCK真係好貴!!!!我去咗三日兩夜,夜巴來回加埋租營嘅錢同當日使費已經用多過80000yen,以一個FES黎講,係堅貴到爆炸嘅!!

至於SUMMER SONIC就方便好多喇!!!首先佢係喺東京大阪同時搞兩日,所以有好多人都叫佢做都市型夏FES!!!對於我呢啲好容易攰到崩壞嘅人,睇完FES可以好快返屋企真係好正!!!!SUMMER SONIC請嘅artist以前會係海外嘅比較多,但今年多咗好多日本artist,網上有啲人對呢個轉變好似唔太慣咁。不過點都好,今年佢請咗我鐘意咗成十年有多嘅Radiohead,仲要唱兩個鐘,唔係唔去呀?!?!?我去嘅喺大阪,主要場地都係喺室外,唔好以為日本夏天唔熱,其實都係熱到爆㗎!!!!仲要曬到暈!!經過咗呢兩個FES,我成個人黑到好似非洲人咁,年紀唔細喇,要好多時間先變得返白㗎!!!有時都會諗點解要喺夏天咁交差熱嘅時候搞FES,我諗係有藍天白雲同夏天畀人感覺活潑啩,不過秋天搞我會開心啲!!!

講真心,去咁多個夏FES真係貴到痴線!!我大大話話用左十萬以上,不過,係好開心嘅!!!個人會好有衝勁嘅!!如果下年去埋主要請日本artist嘅ROCK IN JAPAN,咁我就制霸晒三大夏FES喇!!!!夏FES,下年見!!!!

最後給大家一張我喺FUJIROCK度露嘅營!!

分享
前一篇文章改編與原創
下一篇文章暑期日語的延續談教學歷程
一個普通平凡的香港人,二十五歲時決定隻身遠赴日本工作,目前於鄉郊之地努力奮鬥中,所經歷之事被認為有點慘情(好似係)。並非勵志故事,純屬胡言亂語。

留下回應

輸入你的評論
輸入你的名字