新潟的美術Freestyle

有「移動的美術館」之稱的現美新幹線舊年啟航,既然路程經過,小編都不免俗順便去搭咗下。作為全日本第一架以美術館為主題嘅列車,連外殼都係「寧舍不同」嘅,其外殼由著名導演兼攝影師蜷川實花一手包辦,只在外面觀賞都係一種視覺嘅享受。而各個車廂中琳琅滿目都係當紅藝術家嘅作品,各車廂風格大相迥異,不過就好全面,三至八十歲都照顧到,絕對唔駛擔心有人會悶!

藝術家將花朵吊起,喺列車移動嘅時候,花朵會因而震動,栩栩如生。
而家暫時得第11卡車廂係指定席,其餘都係自由席,任坐唔嬲。

現美新幹線
運行日期:全年運行,實際行駛日詳參網頁
收費:視乎不同行程,實際價錢詳參網頁
網址:http://www.jreast.co.jp/genbi/


豪農生活博物館

曾經,蒲原平原上有一戶大戶人家,他們以農業立業,是當時越後附近的第一富農,亦是第一大地主。在戰後農地改革之後,他們失去大部份土地,為了讓自己家族的歷史和當時的人文面貌得以保存,他們將家族旗下的建築物、庭園及美術品捐了出來,並成立了北方文化博物館。參觀者來到這裡仿如進入了時光隧道,走到了江戶時代,甫進入前廳便頓時感受到一股大和的懷舊氛圍,以及一種古時特有的寧謐。

館內詳細介紹了伊藤家的歷史。
土豪邊係而家先有,伊藤家擺酒張菜單你睇到聽朝都睇唔晒呀!
館內有好多古代生活器具,古代人嘅日常起居可見一斑。

北方文化博物館
地址:新潟縣新潟市江南區澤海2-15-25
電話:025-385-2001
營業時間:4月至11月 9:00am-5:00pm、12月至3月 9:00am-3:30pm
定休日:全年無休
收費:成人 800日圓、小童 400日圓(小學生及中學生於公眾假期及星期日可免費入場)
交通:JR新潟站轉乘的士約20分鐘
網址:http://hoppou-bunka.com/chinese/


與香港有得Fight  新潟港夜景

夜晚喺新潟活動,最適合嘅活動就係去朱鷺展望台,佢位於新潟港附近的一個大樓,內設大小會議室、展示空間、以及室外公園、頂樓展望台等等。大家貪方便嘅仲可以去連接展望台嘅日航飯店下榻,既慳腳骨力,又可以全晚欣賞超迷人夜景,一舉兩得。

黃昏都可以去睇個咸蛋黃,同男女朋友浪漫吓。

Befco Bakauke展望台
地址:新潟市中央區萬代島5-1萬代島大廈31/F
開放時間:8:00am-10:00pm(星期五至5:00pm)
網址:https://www.hotelnikkoniigata.jp/observatory/


探新潟站覓食秘點 三代目SUSHI BROTHER

新潟米就大家都聽過,唔知新潟魚大家又有無聽過呢?新潟有一種名為「赤鯥」嘅名魚,因為呢種魚極難捕捉,而且完全唔可以人工飼養,所以身價極高。但係喺呢間壽司店就真係唔算貴,300yen就有交易,呢隻魚生長喺新潟嘅低溫水域,肉質肥美,脂香豐富,口感同一般其他嘅刺身不能同日而語,難怪佢喺水產界有「日本海女皇」嘅稱號。
呢間世界壽司店嘅另一個賣點就係佢老闆喇!呢間店本身係九十年老店,歷經三代,而家嘅老闆係第三代傳人,除咗盡得上兩代嘅真傳之外,佢仲曾經喺東京嘅名壽司店學師五年,造壽司嘅技藝簡直出神入化,廚藝連「港版Gordan Ramsay」謝霆鋒都唔夠玩!

黃昏都可以去睇個咸蛋黃,同男女朋友浪漫吓。
你入到去同老闆傾計嘅話,可能會覺得佢把聲好好聽,因為佢曾經係做過DJ,聽佢講嘢,即時聽出耳油!
壽司刺身非常新鮮,米飯黏合得嚟 粒粒分明,醋飯亦唔會太酸,特別推薦甜蝦,甜度夠,色澤都唔錯,外型盡見功架。
舖頭唔算話好靚裝修,但都幾樸實古典㗎。

世界壽司(せかい鮨)
地址:新潟縣新潟市中央區沼垂東4-8-34
電話:025-244-2656
營業時間:11:00am-2:00pm及5:00pm-9:30pm
定休日:星期六
交通:JR新潟站步行約20分鐘
網址:http://www.sekaisushi.com/


非一般魚市場

新潟市區內嘅萬代市場,其實喺日本千千萬萬嘅魚市場入面唔算出名,魚產亦唔算喺芸芸市場中特別標青,不過佢最大嘅特色就係整個市場大部份都係用貨櫃砌成,加上頗有設計感嘅裝飾,都幾適合拍埋個貨櫃牆度影張chok相嘅。而市場內有間雪糕店,裡面嘅雪糕係即時用鮮菓攪製而成,食落啖啖新鮮啖啖肉,果味濃郁,值得一試!

萬代市場入面亦有賣芝士,而且可以即時免費試食。

魚沼產米飯團
即開生蠔 – 其實海鮮嚟講,小編認為蠔係最值得試,因為佢嘅size大概係一隻手掌大左右,平時喺香港算比較少見。
雪室咖啡

推介呀! – 雪糕有新鮮果肉加持,仲有軟滑嘅雪糕質感,舐一啖即時舒爽透心涼。

Pia Bandai市場
地址:新潟縣新潟市中央區萬代島
營業時間:9:00am-10:00pm(各店不同)
交通:JR新潟站轉乘9號巴士於宮浦中學前站下車
網址:http://www.bandai-nigiwai.jp/

留下回應

輸入你的評論
輸入你的名字