越乃Shu* Kura號 沉浸醉人風光

同古色古香嘅長野含着淚說bye bye之後,我哋踏上品酒之旅,繼續向「酒城」新潟出發。話明係「酒城」,交通工具點可以咁普通?識搭就一定係搭Shu* Kura啦!佢係一架來回上越妙高站同十日町站嘅觀光列車,以新潟最自豪嘅米酒做主題,車上莫講話有得盡情試酒,連張枱都係酒桶造型,沿路仲可以睇到唔同嘅自然風景,名乎其實「醉人風光」。另外,車廂裡面都有定時嘅爵士樂表演,就算滴酒不沾都包你唔會悶!

一到爵士樂表演時段,成架車好似忽然變身做《星聲夢裡人》入面啲場景咁,如果側跟企埋個賴恩高斯寧就perfect池喇!

品味各地名酒

嚟到呢度,一定要試下呢個試飲set,5款名酒會根據產地,整齊排列喺寫滿產地資料嘅餐紙上,等你喺品嘗名酒之餘,仲可以了解到各地嘅酒文化,一次滿足你好幾個願望!而喺呢幾隻味道當中,小編最喜歡嘅就係用優質伏流水釀造嘅「妙高山本釀造」,味道清雅,帶少少甜味同埋濃烈嘅米香,啱晒唔係飲開米酒嘅人。但如果怕5杯飲唔晒,其實都可以單叫嘅,價錢都幾相宜㗎!

試飲set/1,000日圓
美女伴常設酒櫃 – 車廂內設有常設酒櫃「藏守~Kuramori~」,方便乘客隨時點酒。如果怕唔啱口味,亦可以請教吓呢位美女,睇吓佢有咩好介紹㗎!
乘客亦可以等到試飲環節免費試飲指定靚酒,期間會有工作人員介紹,等大家可以了解多啲唔同嘅酒!

速遊最近海車站

Shu* Kura會路經青海川站,呢個站同海芝浦站陸前大塚站並稱全日本三大最近海車站,當列車路經青海川站嘅時候,直頭唔駛落車都聞到陣清爽嘅海水味。而且,青海川站嘅站牌係一個熱門打卡位,好多乘客都會喺列車就快到站嘅時候,於車門前助跑,務求可以搶得「頭啖湯」,影張靚靚氣質呃Like照。不過,大家記住影完要快啲「回巢」,因為列車好快就會離站,千祈唔好掛住影相唔記得上車呀!

車廂以古典電車作藍本設計,而內部就有種高貴嘅酒廊感覺,喺車廂外睇都可以見到少少車廂內嘅設計,感受到嗰種極具品味嘅生活態度。
2號車廂內部以酒為主題作設計,細心啲睇張枱就會發現其實係酒桶嚟㗎喇!

越乃Shu* Kura號
運行日期:全年運行,實際行駛日詳參網頁
收費:視乎不同行程,實際價錢詳參網頁
網址:https://www.jreast.co.jp/tc/joyful/shukura.html


參戰大胃王 Oversize爆彈飯糰!

成日一個飯糰仔唔夠飽?自問食量驚人?咁就要試下越後湯澤站嘅爆彈飯糰喇!位於車站Ponshu館內的「雪洞」專售爆彈飯糰,最初是因為希望讓大家品嚐到越光米的美味而開業,估唔到一賣就賣咗24年,更成為該站必食名物!店內的爆彈飯糰分兩種,普通爆彈飯糰份量相當於兩碗飯,而特製的「大爆」飯糰呢,就足足等於八碗飯咁多!飯糰除了即叫即做保證新鮮,米飯更一律使用越光米中最有名的南魚沼鹽澤產越光米,熱騰騰的飯粒米香醇厚、軟硬適中,就算淨食冇餡的鹽味飯糰,都大滿足啦!

配料份量亦無偷工減料,更會附上味噌湯,食完包滿足。
成功食晒大爆飯糰就可以貼堂~
個飯糰大成咁,認真食一個就飽啦!
燒鱈魚子加梅乾飯糰 – 雖然餐牌無寫可以「雙拼」,但其實只要以較昂貴的內餡價錢為準,加多110yen就可以揀多款配料!
可選擇餡料多達18種,不少更是平時少見款式!
喝一杯吧!清酒博物館 – 一場嚟到,點可以唔試埋新潟清酒就走!同樣位於Ponshu館內清酒博物館「越乃室」,只需500日圓就可以從117款日本酒內任選5款嚟試味!越乃室每月都會推薦五種限定的清酒,亦有多種分類推薦,讓客人更易揀選適合自己的清酒。

Ponshu館
地址:新潟縣南魚沼郡湯澤町湯澤2427-1
電話:025-784-3758
營業時間:4月至12月 9:00am-6:00pm、1月至3月 9:00am-8:00pm
定休日:年中無休
交通:JR越後湯澤站內即達
網頁:http://www.ponshukan.com/


人氣Cafe 溫泉咖啡水屋

距離越後湯澤站僅一分鐘腳程、位於HATAGO井仙內的人氣咖啡店「溫泉咖啡水屋」,是到越後湯澤的checklist之一。店內以傳統木工裝飾為主,配以稍為暗淡的燈光,靜謐的氛圍最適合拍一張藝文青照。一嚐傳說中的溫泉咖啡的同時,還能吃到以新瀉魚沼縣產越光米粉製成的湯澤蛋卷,可算是不虛此行了。

湯澤蛋卷(抹茶紅豆味)- 鬆化的質感、淡淡的抹茶香,加上裹在裡頭不會太甜的紅豆,整個吃完都不膩啊。
溫泉珈啡 – 店內招牌當然就是溫泉咖啡啦!天然溫泉水沖製的咖啡有著淡淡的香氣,一點點苦澀,不算濃烈卻順滑回甘。
湯澤蛋卷(抹茶紅豆味)- 鬆化的質感、淡淡的抹茶香,加上裹在裡頭不會太甜的紅豆,整個吃完都不膩啊。
店內裝潢帶點舊式傳統感覺,更特別用古宅大門作長枱。
2樓設有餐廳,可品嚐到以魚沼產食材為主的料理,就連味噌湯都特別用上魚沼產越光米的麴製作,保證菜式全部鮮味十足。

溫泉咖啡水屋
地址:新潟縣南魚沼郡湯澤町湯澤2455 HATAGO 井仙1F
電話:: 025-784-3361
營業時間:9:00am-6:00pm
定休日:年中無休
交通:JR越後湯澤站西口徒步即達
網頁:http://hatago-isen.jp/

留下回應

輸入你的評論
輸入你的名字