夏日關東樂悠遊非一般親子之旅!

長達接近兩個月的暑假來臨,又是一家人出遠門好好放鬆一番的好時機!只不過熱鬧如東京除了行街血拼,又有甚麼適合一家大細的好地方?今次編輯部精選了11個關東地區親子遊熱點,以東京為中心,再玩到去琦玉縣同山梨縣,無論大人定小朋友、無論小朋友幾多歲,都一樣有嘢啱玩,邊個話家長只能做陪玩專員先!襯住長假期,去關東地區玩返轉,增進親子關係兼留下特別回憶啦!

玩過山車探小動物
室內玩高空跳傘
潛入忍者機關屋
刺激滿點遊樂園
潮爆都心水旋館

好動親子之選

唔少家庭plan行程的時候,可能會覺得富士急樂園似乎主打刺激冒險遊樂設施,可能因而放棄到訪。但總面積有50個足球場般大的富士急樂園,貪玩一族見到過山車同鬼屋定會大呼過癮,而裡面亦有「世界動漫王國」、THOMASLAND,更不時有限定新遊戲體驗,好似現時就有「進擊的巨人VR體驗」,務求保持新鮮感。當然少不了各式各樣商店及餐廳,即使不愛刺激機動遊戲仍有大把娛樂選擇。最重要係可以近距離觀賞宏達富士山,邊玩邊賞景,定能為今次親子旅行留下難忘回憶呢!

山梨縣富士吉田市新西原5丁目6番1號
電話:555-23-2111
營業時間:每月不同,請詳參官網定休日:每月不同,請詳參官網
收費:成人1,500日圓、中學生1,500日圓、小學生或以下900日圓(入園票)
交通:JR大月站轉乘富士急行線,於富士急樂園站下車即達
網頁:https://www.fujiq.jp/tw/


平時玩過山車都好少大叫,但呢個高飛車真係嗌到傻咗!上到最頂之後好似被人大力拋走嘅感覺,然後經過不斷翻滾上天落地,完全冇畀人抖氣空間,鍾意刺激嘅朋友必試!

高飛車全世界最斜過山車,斜度有成121°,俯衝感同離心力極強,絕叫度爆登!

 

 

鬼屋戰慄迷宮堪稱富士急樂園招牌遊戲,以荒廢醫院為背景,任由遊客隨意行走,所以無人會知途中會遇到啲咩…… 以二至三人為一組先可以入去玩,成個環境都好陰森詭異,仲有陣陣異味,雖然做好心理準備但都被血流披面嘅病人定鬼嚇到個心離一離,呢45分鐘真係過得好漫長。
尖叫大擺鐘完全無法預測會順時定逆時擺動的大鐘,有如360°轉動嘅海盜船,真係會玩到暈暈哋!

由東京出發,可乘搭JR或高速巴士前往富士急樂園,約需2小時。樂園內設施眾多,加上交通需時,最好預留一整天遊玩。入場費分為入園票及通行護照,前者的話不同遊樂設施就需個別收費,而後者就包含入園費及無限任坐遊樂設施,若只想去THOMASLAND可只購買THOMAS LAND PASS。不過要留意大熱遊戲通常要輪侯起碼一至兩小時,所以可能全日只玩到三個遊戲,而各項遊戲收費不一,由100yen至1000yen不等,所以各位可視乎行程而決定買哪款門票,門票可上網預購或於入場當日購買。

坐JR到大月站可轉乘富士急行線直達樂園,雖然價錢較貴,但勝在舒服輕鬆,最啱一家大細坐。

突發!超大型巨人入侵富士急

富士急間唔時就搞合作活動,今年輪到剛剛播完第二季動畫的〈進擊的巨人〉,於4月開始展開長達一年的聯乘活動。今次聯乘並非單純換換設計加點裝飾咁簡單,而是以「進擊的巨人THE RIDE 托洛斯特區奪回戰」做主打,再加埋其他設施同週邊,務求讓你走入〈進巨〉世界觀!

一比一的超巨型大人是今次活動必到影相位,不妨諗定擺咩pose喎!

潛入托洛斯特區作戰!

作為主打的「進擊的巨人THE RIDE 托洛斯特區奪回戰」借用了「富士飛行社」的場地,在直俓約20米的半圓形巨型熒幕上,於早上時段播放日本首次公開的短片。短片內容以艾倫巨人化後,以石頭封鎖高牆以奪回托洛斯特區奪回戰一段為主軸,整體內容雖與原著沒有太大分別,但新增了不少細節位,而半圓形熒幕亦值得一讚,皆因真實感出乎意料的高。即使死忠如小編早將劇情背得滾瓜爛熟,都一定會有驚喜!但若以為只係普通入戲院睇場戲咁實在太天真,坐著的飛行模擬訓練座椅不停加速,左搖右擺又升上降下,真心似裝備了立體機動裝置於小巷與建築物間穿插,再加埋噴血場面會噴水使臨場感翻倍再翻倍,彷如在現場與艾倫和兵長一同作戰!留意返玩一節約需20分鐘,而中午12點半便是最後一場,其後便會播回富士飛行社呢!

見到超大型巨人突然在面前出現,橫掃城牆上的大炮,真心咪話唔驚! – 進擊的巨人THE RIDE 托洛斯特區奪回戰價錢:1,000日圓(不包含在Free Pass)入場限制:4歲或以上、身高超過110厘米
360°體感Theter 哮 / 價錢:600日圓入場限制:13歲或以上 – 近距離睇巨人大戰 – 玩完THE RIDE唔夠喉,不妨到旁邊兵團購買部玩埋個VR先啦!「360°體感Theter 哮」播放的片段同樣講述托洛斯特區奪回戰,但能自由控制視點,抬頭便見巨人化艾倫的作戰身姿都真係幾震撼!

進巨迷,獻出銀包吧!有聯乘活動就有特別商品是常識吧!今次富士感推出一系列限定商品,並只在THE RIDE旁邊的兵團購買部出售!此外還包括動畫製作組的週邊,以及早前舉行的巨人展週邊,各位進巨迷預備大出血,進貢畀調查兵團做壁外調查經費啦!店內天花吊起艾倫及米卡莎等人的紙牌,配埋磚牆即時增加氣氛!

波子汽水糖果罐 – 以為今次聯乘活動設計的兩款畫作做包裝,食完糖個靚靚盒仲可以用嚟放小物!
PVC鎖匙扣 – 錯過咗之前嘅巨人展都唔緊要,可以喺度補買返週邊!
利威爾兵長紅茶 – 分大吉嶺及伯爵茶兩款,兵長fans記得買嚟品嚐下佢嘅味道。
艾倫水杯 – 園內數量限定商品,據講剩餘數目不多,艾倫fans記得入手!

留下回應

輸入你的評論
輸入你的名字