快閃函館之章

乘坐函館山纜車,只需3分鐘就可登上函館山,在登山過程中可以率先睇到一望無際嘅函館景色。纜車偶爾會因天氣問題停駛,最好登山前先上官網查看行駛情況,另外亦建議查定日落時間,咁就可以一次過欣賞到函館的日與夜啦!

山頂氣溫頗低,偶爾更有風起, 登山前記得帶定外套以免冷親。
函館夜景雪花球 / 864 日圓
唔捨得眼前美景,不如將迷你函館山打包返屋企珍藏。

點止夜景咁簡單

難得上到函館山,無理由來去匆匆嘅。睇完夜景見肚餓?除咗餐廳Genova,山頂纜車站亦設有小食店畀大家醫肚,誠意推介超軟滑北海道牛奶雪糕,包你滿足。嘆完雪糕再行埋面積廣闊嘅紀念品店,店內有售多款函館特色土產,以下介紹更是函館山限定,其他地方無得買㗎!

函館羊肉咖哩 / 432 日圓
老舖五島軒有份監督,選用上等羊肉,做出只此一家的味道,為函館山纜車名手信之一。

留下回應

輸入你的評論
輸入你的名字