大家好,我係阿榮。上回提要係日本揾工嗰陣點樣過佢哋個書類通考,今回就分享吓「萬一你咁好彩有得面試點算好」!

收到email有面試,通常間公司會叫你揀時間畀佢哋for返個interview,我盡量會早啲回覆,封email嘅開頭一定要多謝佢哋賜咗呢個面試畀我哋!!!!要做日本人最鍾意做嘅:感恩!!!!!講到自己真係好那感動,咁之後呢就畀三個時間佢哋揀幾時面試,結尾嗰陣再多謝一次!(唔識寫﹖上網大把例文,自己求其copy一篇改改啦!)當決定好幾時面試,咁就要開始做面試準備!!!

如果你問我,喺日本面試同香試面試有咩最大唔同or最shock嘅嘢係,日本面試係唔使帶證書嘅!!!!!以為喺香港面試,我實帶勁多證書去,唔好話咩日本能力試證書吖,連中學啲咩好學生獎勵計劃金獎都帶埋去呀!!!務求考官相信我講嘅嘢係真嘅!但係喺日本,唔使呀!咩證書都唔使帶,淨係帶份CV同埋張職務經歷書(即係說明吓你過往工作做過啲乜嚟)就得o架喇!!!!

「吓﹖咁我亂吹自己考咗啲乜乜乜考試,有咩乜乜乜證明都得o架啦!」係o架哈哈,不過我諗日本係講個信字,唔expect有人會見工講大話先唔使show證明掛(我諗)。咁當然啦,如果你係in designer呢啲工緊係要帶profo去畀人睇o架啦!!!

好!下次同大家講日本面試係點!

分享
前一篇文章出勤時間
下一篇文章上山下海 遊走活力九州! 福岡‧熊本‧大分 (八)
一個普通平凡的香港人,二十五歲時決定隻身遠赴日本工作,目前於鄉郊之地努力奮鬥中,所經歷之事被認為有點慘情(好似係)。並非勵志故事,純屬胡言亂語。

留下回應

輸入你的評論
輸入你的名字