北海道史上第一條新幹線「隼」,從東京只需大約4小時就可以直達函館!中途站亦包括埋仙台、七戶十和田、青森同東北各地,識玩就梗係玩齊佢啦!

由北海道函館沿路玩落東京,但計最抵玩當然由東京出發向北發展直上函館,玩盡新推出周遊券包括範圍,話說回頭既然打算遠走至函館,識玩又有乜理由錯過東北沿途眾多景點咁失策先!

北海道新幹線通車對遊客梗開心,往後安排東京出發南北海道行程變相簡單,更重要一點是 JR 推出「JR 東日本‧南北海道鐵路周遊券」6 日任選券只賣 27,000 日圓(約 2,000 港圓),計返單程來回東京已索價約 23,000日圓而言,呢個價錢真心抵到盡…至於 6 日行程可以點玩?既然唔再需要坐飛機,梗係唔可以再忽略沿途仙台、青森兩大站鄰近必玩熱點啦!


交通方法

現時每日共有十班「隼號(Hayabusa)」新幹線列車往返東京站及新函館北斗站,中途站包括仙台、七戶十和田、新青森等東北各地,全車程大約四小時。


北海道新幹線H5系隼號便當 / 1,300日圓

呢個便當照足北海道新幹線列車造型,食完仲可以拎返屋企收藏添!

留下回應

輸入你的評論
輸入你的名字