遊日本越玩越遠是常識吧!由東京出發,集合食玩買三大要素兼備地方特色,真心推薦走一轉長野、新潟、群馬!沿途走訪「小瑞士」輕井澤、「栗子之鄉」小布施;喺「雪國」新潟殺入酒廠試飲,望住日本海食海鮮;再到群馬縣桐生穿和服散步,或參觀世界遺產富岡製絲場!一次旅程,滿足食玩買願望,您準備好未?

東京站唔是新幹線轉乘站咁簡單,又名「Tokyo Station City」就知集吃喝玩樂於一身,特別是以卡通人物、拉麵、菓子為主題的三條地下街更是潮流集中營,此外手信店更是首都圈最新最齊!對購物沒大興趣?東京站丸之內出口一睹車站紅磚全景,其宏偉氣勢連當地人亦特意慕名朝聖,一場嚟到打個卡是常識吧!

Tokyo Station City

關東最抵行!輕井澤王子Outlet

關東多 outlet,有人鍾意行御殿場又或木更津,但玩足咁多個,筆者還是覺得佢最好。行 outlet 不外乎牌子夠多兼抵買,輕井澤王子 outlet 規模全日本最大,佔地約 78,000 坪,即係幾大?筆者私下旅行朝十晚七行足一日只算走馬看花,若有意慢逛尋寶,單單 Outlet 預算約一日半時間最為理想!Outlet 全區逾 240 間店舖劃分 7 個區域,運動、歐陸名牌、日系潮牌分門別類,想慳時間可以集中攻略,雖知輕井澤區內景點唔少,想爭分奪秒玩到盡不妨跟我哋集中攻略幾個必睇品牌!


原宿少女 X-girl

數原宿 Street-Brand 走唔甩 X-girl,每一季 items 一津是少女潮流指標,私底亦撐足佢十幾年,貪啲款長青又襟著!想搵最新最齊款式梗係去原宿總壇 X-girl store,小編出差東京例必抽時間去潮聖一番,但心頭好還心頭好,個價亦非太大眾,每次 budget 都係一件起兩件止到喉唔到肺,所以嚟到輕井澤 outlet 分店終於可以盡情荷包大解放!

短Tee 只係約二百蚊港紙有交易,差唔多香港 3 折價錢,買半打替換都唔傷荷包。

Outlet 分店論款式齊全度自然不及旺區專門店,但勝在價錢已是市區 7 折起跳,低見 5 折有交易,鍾意 Logo 行頭款式亦唔算少,1 件長 Tee 4,000 日圓有找,俾些少心機努力尋寶,亦有唔少 Crossover 產品任掃!而舖面算寬敞闊落,X-girl 與 XLARGE 各佔一半,唔怕悶親另一半。識玩梗係先去 Outlet 掃一轉,再返首都圈專門店買新貨啦!


又一裡原宿發跡潮流街牌,由日本潮流教父 NIGO 創立,紅足近廿年!香港唔少潮人都係品牌粉絲,招牌猿人頭像至今仍有唔少潮人追捧,如果想嚟 Outlet 搶荀價 Crossover 產品就可能稍稍失望,以海盜為主題的 Pirate Store 更多的是海盜主題產品與不少 Classic 款,鍾意猿頭 logo 放心口或者 Classic 迷彩款式一定有排揀,皆因店舖空間非常寬敞,價錢相比市區約7、8折,部分舊貨款更低至 3 折,而且店舖設計以海盜為主題,貫徹品牌玩味風格,在寶藏設計的箱中尋寶又幾過癮嘅。

如果只可以揀一種貨任掃,小編心水必定揀鞋!全場鞋款幾乎近 5 折發售,亦即相較市區而言,是買一送一震撼彈,莫說是與香港相比!現場所見招牌鞋款BAPE STA意外地多顏色選擇;而小編睇中幾年仍未入手嘅 MANHUNT 竟然 3 折有交易,加上呢排日圓低水,本身如果係品牌粉絲,唔掃幾對鞋走又點對得住自己!當然做人不要太貪心,咪期望喺度掃到對荀價 BAPE x Reebok INSTA PUMP,平實 Classic 款就大把選擇。


玩到一班 OL 絲打 FB 開晒群組,乜want 仲有集中討論區,鍾意煮番兩味連 LE CREUSET 都唔識真心幾難同您溝通。玩 LE CREUSET 儲色儲款係指定動作,進駐輕井澤outlet嘅 LE CREUSET 舖仔細細,五臟俱全,圓形及淺身鑄鐵鍋、水煲等經典款有齊不特止,大部分產品只係市價 8 折,撞正 promote 甚至 5 折有交易,與其喺香港捱貴「鍋」,或通宵排隊搶購,儲定彈藥掃平貨仲開心啦!

1925年LE CREUSET在法國北部正式面世,生產了第一隻鑄鐵鍋。LE CREUSET的意思是熔爐,象徵它沿用歐洲中古世紀以來製造鑄鐵鍋的方式,鍋底、鍋身和鍋蓋都採用一樣的厚度及鑄鐵材質,保溫性佳,傳熱穩定,加上亮麗色彩,成功吸引大眾追捧。
買個可愛茶壺,等朋友知道自己幾咁有taste,即係有品味啊!
用靚鍋煮嘢心情自然都好啲,呢啲錢係要畀嘅!

輕井澤王子outlet
地址︰長野縣北佐久郡輕井澤町輕井澤
電話:0267-42-5211
營業時間:10:00am-7:00pm
定休日:定中無休
交通:JR輕井澤站徒步約3分鐘
網頁:http://www.karuizawa-psp.jp/tw

留下回應

輸入你的評論
輸入你的名字