作為超級fans,打扮成迷你兵團絕對係指定動作,再擺返個kawaii鋪士,掂晒!

「Bello Bello Bello!」報告報告,有一大堆黃色迷你兵肆無忌憚闖入日本環球影城,個樣已經夠可愛,仲要不斷賣萌,有邊個能夠抵受得住誘惑呢?今次就同大家直擊剛於上個月尾開幕的迷你兵樂園,各位迷你兵團fans,準備接「蕉」啦!

園區主要分東西兩邊,迷你兵團小食及商品一應俱全,玩幾耐都唔捨得走啊!

迷你兵團咁百厭又坐唔定,梗係有好多機會同大家見面啦!園內每日都會有街頭表演「迷你兵團調皮百厭時間」,各位迷你兵團成員包括加分(Kevin)、小小超(Stuart)同阿卜(Bob)等換上華麗衣飾,坐住Disco風格花車出巡,表現完之後,呢班巨星仲貫徹毫無架子風格,同一眾現場觀眾影相留念,夠晒好福利,你話點叫人唔愛上佢哋呢?

女僕裝迷你兵充滿反差萌,完騷後最多粉絲爭住合照!

同迷你兵團瘋狂闖禍!

來到迷你兵樂園,當然要到訪犀利哥屋企兼研究室,在這裡大家都能夠化身為迷你兵團其中一員,坐上犀利哥發明的乘坐物,在犀利哥的3個女兒的指揮下,同迷你兵團周圍瘋狂亂闖,引起大騷動絕對夠晒過癮,興奮指數真係直線上升!

試過玩先知,迷你兵團真係無時停,雖然成日都搞出禍,但咁先突顯佢哋有幾可愛嘛!

整個遊戲連動畫介紹長約18分鐘,小編覺得呢個遊戲好玩之餘,啲動畫都製作得搞笑吸引,在此就不劇透太多,留待大家入場慢慢睇吧!

犀利哥屋企出面仲不時會有迷你兵團fans meeting,佢哋隻眼珠真係會碌嚟碌去,注意大家的一舉一動呢!

將迷你兵團食落肚!

夾心餅乾 (棉花糖芒果慕絲) / 500日圓

迷你兵團雖然鍾意攪攪陣,但講到食品一啲都唔馬虎,不得不試的就要數到由迷你兵團發明,用「曲奇餅機」製作的夾心餅乾,size同隻手掌差唔多大!食落又不算太甜膩,補充一下糖份再同迷你兵團玩轉樂園就最好不過啦!

店員手上的「迷你兵團爆谷筒~King Bob~」好搶手,每朝一開園就會派整理劵,拎到先有機會買,但小編去的時候已經售罄……

Bello攻勢無孔不入!

其實園內的建築同擺設都佈滿了迷你兵團的蹤跡,度度都係影相位,等住大家細心發掘!就好似位於園內中心位置就有一個迷你兵團噴水池,每隻迷你兵表情都好生鬼趣緻,真係好有衝動跳埋落去同佢哋開party添!

迷你兵團爆谷筒 ~King Bob~ / 2,980日圓

一場來到唔帶走幾件紀念品,就算唔怕迷你兵團小器,都肯定你返香港之後會後悔!因為入面的精品真係款款可愛度爆登,仲要有迷你兵樂園園內限定產品,真係好難唔令人忍手唔買囉!所以奉勸各位朋友,無論你係咪fans,請準備足夠彈藥,萬一被佢哋俘虜,都有辦法應付!

迷你兵團公仔帽 / 3,400日圓
迷你兵團髮箍 / 2,400日圓

*以上產品有可能售完或有價格調整。

Despicable Me, Minion Made and all related marks and characters are trademarks and copyrights of Universal Studios. Licensed by Universal Studios Licensing LLC. All Rights Reserved. © & ® Universal Studios. All rights reserved.
  • 日本環球影城®

  • 大阪市此花區櫻島2-1-33

  • 根據星期及季節不同,詳參官網

  • JR夢咲線環球城站徒步約5分鐘

留下回應

輸入你的評論
輸入你的名字