大阪自古以來都係關西嘅政治同經濟中心,而空堀區和松屋町一帶位近難波,自然亦是繁華區。其實松屋町自江戶時代起已是人形、玩具、文具、紙店等的集中地,不過相比僅幾個街口之隔的心齋橋、道頓堀,松屋町則彷似還停留在昭和年代,街上幾乎全是數十年歷史以上的老鋪,除傳統日本人形外,販賣的是各種懷舊玩具、零食、文具等。在逛幾棟活化建築之餘,不妨到松屋町的商店街「松屋野筋」逛逛,體味小社區獨有的懷舊情懷。

松屋町筋商店街 – http://www.matuyamati.com/

 


老鋪人形任你睇

沿著長街漫步,會發現幾乎每幾步路就有一家人形店,其中「人形之熊野」就是最老字號和最具代表性的一家。店是一棟數層高的大廈,外牆掛上大型的鯉魚裝飾,不會看走眼。雖然說是商店,不過店家十分大方,遊客到此當成博物館參觀也無問題!

人形之熊野的三樓是免費展示場,展出大量精美的雛祭和五月人形,來到時記得順便一逛開開眼界。

正統的雛祭人形擺法由七層組成,不過買晒咁多隻人形會貴到飛起,所以一般家庭都只會擺單層或三層人形。

傳統人形未必人人想買,但若想帶走一些手信,可以考慮店內的手織「絹まり」,兩三千日圓已有交易。

奧田女士 (右)

我哋賣人形賣咗好多年囉!其實日本嘅人形唔止雛祭同五月咁少,好似話女人形咁都有分大細,細嘅送俾小朋友,而大嘅就多數作為人哋結婚嘅賀禮。此外仲有「結納」,亦即係你哋講嘅聘禮,由男家送俾女家,作為訂立婚約嘅証明。古時就會成個家族世代通婚婚約,現代人自由戀愛,當然好少哩種家族束縛啦,不過都有比較重視傳統嘅新人會喺結婚時依返傳統禮儀做「結納」!

人形之熊野
地址:大阪府大阪市中央區内久寶寺町 4-4-13
電話:06-6943-5011
營業時間:1 月 3 日至 5 月 5 日 9:30am-6:30pm,5 月 6 日至 12 月 31 日 10:00am-6:00pm
休日:不定休
交通:大阪市營地下鐵松屋町站徒步 2 分鐘
網址:http://n-kumano.com/

留下回應

輸入你的評論
輸入你的名字