好多人去日本點都要食返餐拉麵,大家會選擇鹽味、豚骨、醬油還是其他口味?對於喜歡新鮮感的朋友又怎甘於被這幾個選項框著?今次小編就同大家介紹一下全球第一間河豚拉麵店!

位於東急Plaza銀座的「河豚高湯潮 八代目Keisuke」。

這間拉麵店「河豚高湯潮 八代目Keisuke」其實是連鎖拉麵店「KEISUKE TOKYO」的分店,據講社長希望能推出獨創拉麵,而且想將這款拉麵推廣給日本以至海外遊客,因此選址於銀座開業。

雖然價錢較遠較一般拉麵貴,不過配料豐富,配料豐富,更放入了平時只用作河豚刺身的河豚蔥,賣相咁精緻,當然要畀相機食先。
萃取自河豚及加入了柚子的湯底十分清徹,是小編至今食過鮮味最濃郁的拉麵湯底,清爽不膩,飲落去不會有渴喉的感覺。

點完餐不久就上菜,拉麵散發著淡淡柚子香氣十分誘人,這裡的河豚已經煮熟,所以不食刺身的人都可以品嚐河豚的鮮味,而拉麵是自家製的全麥粉細直麵,掛湯力高,吸收了湯底的香甜,令人一口接一口食唔停!拉麵份量對女士們來說是剛好,但男士若然未夠喉,可以叫埋茶泡飯,豪食河豚咁就就係咁簡單。

茶泡飯本身有醃漬紫酸菜及河豚肉作配料,十分豐富豪華呢!
將高溫石頭放入食淨的拉麵湯內加熱,大概等3分鐘。
最後將湯倒入飯內就大功告成,可以慢慢品嚐了!
在本身已拌入河豚的飯上注入拉麵湯底,令味道更濃郁,感受另一種河豚風味,大快朵頤!

  • 河豚高湯潮 八代目Keisuke

  • 東京都中央區銀座5-2-1 東急Plaza銀座 B2F

  • 11:00am-11:00pm

  • 東京Metro銀座站徒步約5分鐘

留下回應

輸入你的評論
輸入你的名字