一畑鐵車是島根縣北部的一家私鐵,其北松江線連接剛介紹的出雲大社和松江市。這條線最特別的地方是有一輛「結緣列車」,除了以可愛的吉祥物島根貓佈置之外,更有許多「男歡女愛」、「情意綿綿」的配對及情侶設計,無論是單身人士想求緣份、熱戀情侶想增進感情,還是一大班人想玩配對遊戲,這台列車都幫到你!

島根貓 Profile

島根貓是島根縣第二代觀光吉祥物,查實貓本身同島根無乜關係,只係食字將島根(しまね)同貓(ねこ)嘅日文二合為一,而佢頭頂果頂帽係神社屋頂造形就代表島根縣嘅神社。過去一兩年島根貓人氣急升,去年的全日本吉祥物總選舉中,以 34 萬多票奪得第 10 位,話唔埋認得島根貓嘅人仲多過實際知道島根縣喺邊嘅人…咁其實睇真啲,島根貓造型又真係幾 cutie 嘅!

年齢:不明
性別:不明
特技:製作注連繩

 

話說上一代島根縣觀光吉祥物係咁嘅樣…唔怪得俾人「叮走」啦!

 

結緣列車

結緣列車平日每日九班,周末及公眾假期每日七班,而且每班的路線並不相同,並非每班列車都會行完整條北松江線,因此想乘坐的朋友記得先對好班次及時間表,以免撲一場空!

官方網址:http://www.ichibata.co.jp/railway/topics/2013/09/post-189.html


列車結緣遊

結緣列車的乘車時間視乎班次及路線有長有短,車程最長可達 1 小時,不過結緣列車不論是車廂本身還是鐵路沿線都有不少可供玩味的地方,唔怕坐車會悶親!

地板畫鬼腳 – 車廂地上有畫鬼腳的圖案,是叫人和坐於相對應位置的人組成一對嗎?
島根貓公仔 – 在車廂座位上以及牆身各處都有島根貓公仔及圖案賣萌。
島根貓花紋 – 車廂座椅乍看是心形花紋,但留心看的話,會發現有島根貓的圖案隱藏其中!
心形扶手 – 手環也特別用上心形設計,情侶牽手份外甜蜜。
湖邊景色 – 列車有一半路段沿宍道湖邊行駛,可欣賞秀麗的湖色。

 

地址:島根縣松江市東朝日町 150-7
電話:0852-24-3218
收費:成人 1,450 日圓,小童 720 日圓
網址:http://hakuchougo.jp/


電車迷朝聖地 雲州平田站

雲州平田站是北松江線其中一個車站,這裡原本並非什麼觀光景點,但由於 2010 年成為日本電影〈RAILWAYS 在 49 歳成為電車司機的男子的故事〉的舞台及攝影地,因而一躍而紅成為鐵道迷及電影迷朝聖地點。相信套影電都唔會有人睇過,不過主演嘅中井貴一就應該會有讀者認識,佢曾經參演過〈HERO〉特別編同幾套大河劇,演技備受肯定。點都好,都算係一種 Gimmick 嘅!

當年主演時佢剛好 49 歲,可能因為咁先搵佢演啦。講真,中井貴一個樣係幾有車長 feel。
雲州平田站車庫同月台是電影中經常出現的場景,不過車庫只能遠觀不能入內。

 

留下回應

輸入你的評論
輸入你的名字