瘋搶摩洛哥潮鞋

究竟係乜嘢鞋咁巴閉,令日本全城搶購?之唔係構成左手面嗰幅好壯觀拖鞋牆嘅摩洛哥手製皮鞋-babouche 囉。
Babouche 是中東和北非流行的無後鞋跟平底拖鞋。對摩洛哥人而言,babouche 是傳統服飾之一,出席婚禮、慶典等重要場合必備。由於摩洛哥人喜愛打扮,當地的 babouche 亦以華麗刺繡裝飾和造工精緻聞名。

about fleur de fatima

Fatima Morocco 專售摩洛哥家居雜貨和傳統手工藝品,除了東京青山的專門店,其商品亦於全國過百間百貨公司和家品店有售,在日本相當有名氣。fleur de fatima 在出售摩洛哥雜貨之餘,亦新引進當地個人護理產品如化妝水、香薰等,各位愛美的女士以後買護膚品又多一個新選擇喇。

北非美顏術

與撒哈拉沙漠為鄰的摩洛哥雖長年受乾燥氣候影響,但當地女性的肌膚依然細緻幼嫩,秘訣就是本地有美容功效的植物。fleur de fatima 以摩洛哥堅果油、突厥薔薇花露水、杏桃果油等製成的護膚品。由於成份天然,加上潤膚保濕力顯著,成為近期日本備受女性追棒的美容產品。

摩洛哥堅果油精華面霜 / 5,600 日圓
橙花香化妝水 / 3,240 日圓

fleur de fatima 是日本品牌 Fatima Morocco 首間關西分店,其室內用 babouche 拖鞋沿用摩洛哥傳統製法,以山羊、牛等動物皮革為原材料,所以拖鞋質地柔軟,透氣舒適。而且店內除了有傳統風格的刺繡拖鞋,更有不少古今 mix and match 潮拖,當中最受歡迎的款式就是用人手將珠片逐塊逐塊釘上的哈哈笑圖案,閃令令的笑面夠 sharp 醒,望見真係人都會開心啲!
雖然成 5,000 yen 一對室內用拖鞋好似價錢略貴,不過拖鞋勝在全人手製作夠耐用,着得幾年都抵返晒啦。


摩洛哥 Gateau Pot / 9,000 日圓

Remark
型格摩洛哥小物

外型獨特的摩洛哥器皿是當地人煮食和存放食物的工具。雖然香港人未必會用來煮食,但當家居擺設或存放小雜物就一流,例如竹簍用來放生果就好 fit!

迷你摩洛哥竹簍 / 3,000 日圓

珠片哈哈笑 babouche 拖鞋 /
男裝 5,000 日圓、女裝 4,000 日圓、童裝 3,000 日圓

在多款哈哈笑圖樣拖鞋中,以黑色底色加上金色珠片圖案的配搭最為突出,難怪一直是店內大人氣之選!難得呢款拖鞋有齊男女裝和小童 size,最啱一家大細一人一對做親子裝。

刺繡珠片 babouche 拖鞋 / 童裝 3,000 日圓

小朋友款式的拖鞋顏色都較鮮艷,但最搶眼的就一定是這對檸檬黃拖鞋。拖鞋上的煙花圖樣用摩洛哥刺繡配合珠片,令圖案望落更有立體感。而且黃色相對中性,男仔女仔都啱着。

珠片星星 babouche 拖鞋 / 女裝 4,000 日圓

令面銀色羊皮拖鞋本身已經夠晒閃,加埋大大粒用珠片砌成的金色星星就更是閃上加閃!雖然銀襯金的配搭好似有啲「娘」,但其實着上腳後好潮、好型 !

淨色羊皮 babouche 拖鞋 /男裝 5,200 日圓、女裝 4,500 日圓

雖然摩洛哥人偏好華麗花巧設計,但店舖一樣有推出淨色系列迎合喜愛簡約的客人。淡啡色羊皮拖鞋感覺好 warm,又有屋企 feel,兩口子買嚟做情侶拖鞋都唔錯喎~

摩洛哥藤籃手袋 / 6,800 日圓

Reporter’s Choice

Made in Morocco 的藤籃手袋由人手以乾水草編織而成,手工紮實又輕巧。加上用摩洛哥傳統布藝 boucharouette 拼貼成的立體粉紅心心圖案,帶民族風得嚟不失時尚感。夏天又喺藤籃手袋出爐的季節,姊妹們買嚟襯沙灘 look 就 fit 晒喇!

  • fleur de fatima

  • 大阪府大阪市北區梅田 3-1-3 LUCUA 1100 3/F

  • 電話:06-6151-1504

  • 營業時間:10:00am-9:00pm

  • 休日:以 Lucua 1100 休息日為準

  • 交通:JR 大阪站直達

留下回應

輸入你的評論
輸入你的名字