日本拉麵連鎖店一風堂由拉麵大王河原成美創辦,嚟到六周年就當然要隆重其事喇!今次佢哋特意與注目時裝品牌ZUCCa進行聯乘,合作舉行一系列型格驚喜嘅推廣活動之餘,亦同時推出周年誌慶拉麵和期間限定餐目,包括最新嘅「COOL」海膽冷製拉麵、ZUCCa卷,以及名古屋鳥開唐揚雞翼,準備迎接最「COOL」盛夏!

「COOL」海膽冷製拉麵 / 138港元(限量供應)
冰凍湯底以法式清湯同日式上湯調配而成,加埋新鮮海膽混合出嘅特製海膽醬,正!
名古屋島開唐揚雞翼 / 32港元
嚴選名古屋當地飼養嘅交趾雞,經油炸後再配上鹹香甘甜嘅秘製醬汁,有幾好味自然不在話下,仲奪得不少獎項添!
ZUCCa卷 / 32港元
以香港春卷皮包住幼滑南瓜蓉,兩種截然不同嘅口感猶如演奏出一首配合得天衣無縫嘅二重奏!

一風堂X ZUCCa聯乘活動
喺呢段推廣期內,香港一風堂員工會換上由ZUCCa特別設計的T-shirt、外套及圍裙,認真入型入格、潮爆sharp醒!除此之外,一風堂今次仲獨家設計咗六周年布袋同拉麵碗,而喺八月至十月期間,仲有一系列嘅慶祝活動,認真係驚喜一浪接一浪呀!若然閣下係ZUCCa同一風堂嘅fans,就一定要去香港一風堂嘅Facebook專頁,掌握留意一風堂×ZUCCa聯乘活動嘅最新資訊啦!

一風堂獨家設計嘅六周年布袋同拉麵碗。
ZUCCa精心設計嘅制服真心有型又夠潮!

留下回應

輸入你的評論
輸入你的名字