期間限定觀光列車「最接近天空的列車 – HIGH RAIL 1375」

0
137

列車車廂變身做太空艙?JR東日本今個夏天推出嘅小海線「HIGH RAIL 1375」企劃,就為列車車廂添上科幻味。標榜「最接近天空的列車」嘅車廂內滿佈四季星座及天文宇宙元素,座席上隨處可見繁星圖案,車身牆壁又用上不同天文圖像打造出黑板風格,而車窗更係採用極具cyber感嘅金屬窗框,整個車廂讓人有如置身太空艙!唔單只內觀攞滿分,連接小淵澤站與小諸站嘅小海線沿途景一樣美不勝收,只要安坐車廂內就可以將山梨縣、長野縣田野風光一網打盡,列車行駛期間真係有種身處太空俯瞰大地嘅感覺。各位乘客亦敬請唔好錯過車廂內豐富節目,例如只要連上車廂專用Wi-fi,就可以用手機睇到相關映像以及星座介紹,最後再食埋個用上當地食材同無農藥蔬菜製成嘅便當(只限「HIGH RAIL 1號」提供、須預約),列車之旅就最完美喇!

搭緊列車都可以欣賞迷人星河,呢種體驗實在難得!
車上便當材料非常豐富。各種地道蔬菜加起嚟色彩鮮艷,食慾即刻提升唔少!

留下回應

輸入你的評論
輸入你的名字