©尾田栄一郎/集英社・フジテレビ・東映アニメーション
©バードスタジオ/集英社・フジテレビ・東映アニメーション
©荒木飛呂彦&LUCKY LAND COMMUNICATIONS/集英社・ジョジョの奇妙な冒険SC 製作委員会
©空知英秋/集英社・テレビ東京・電通・BNP・アニプレックス

夏日活動『UNIVERSAL JUMP SUMMER』

2017年6月30日(五)~10月1日(日)期間限定舉行

日本環球影城上年初登場就大受好評嘅限定活動『UNIVERSAL JUMP SUMMER』今年再次登場!由於活動大受好評,今年舉行日子由上年66日大幅延長至94日,足3個月時間今年無理由唔支持啦!而今年登場作品唔單止「龍珠」同「ONE PIECE(海賊王)」,更有「銀魂」同「JOJO的奇妙冒險」首度登場!不如就睇下有乜玩先啦!


『ONE PIECE PREMIER SHOW 2017』

2017年6月30日(五)~ 2017年10月1日(日)
開演時間 19:15~
※7/3~6、11~13、8/3、9/5・6 除外

一不留神發現自己呼叫艾斯

©尾田栄一郎/集英社・フジテレビ・東映アニメーション

「ONE PIECE(海賊王)」最大看點必數『ONE PIECE PREMIER SHOW 』,呢場真人舞台劇揉合立體投射技術與超強特技表演,場面浩瀚即使唔係粉絲都會比呢壯觀嘅舞台同高質表演所吸引!為慶祝作品10週年,今年將會上演作品超經典橋段「頂上對決」,作為粉絲真係未睇先興奮!講明頂上對決,就梗係有黑白鬍子兩大海賊團加入演出行列啦!唉~但重演呢幕就可能要帶定包紙巾先入場,分分鐘大派洋蔥!再提下大家,劇場需要另行購票,記得搶飛!

累積人數已破百萬就知幾受歡迎啦!
表演用上唔少特技表演,現場非常好氣氛!

此外,活動期間影城部分地區更會期間限定變身為「ONE PIECE(海賊王)園區」,例如街頭表演「ONE PIECE WATER BATTLE」遊客就有機會被捲入四皇BIG MOM海賊團同路飛一伙引起嘅水戰,攞起水槍大家瘋狂互噴!玩過肚仔叫仲有兩間海賊王主題餐廳醫肚,其中「山治海賊餐廳」仲有機會同主廚山治吹下水,諗起都開心!

做粉絲梗係事前Mark定地圖,一入場就衝去搵路飛一伙啦!
同路飛們互噴水槍,消暑一流啦喂!
肚仔餓就係時候搵山治醫下肚啦!
當然唔少得飲番杯啤解暑。
現場仲有大量精品任你掃,哪有錢! 草帽(路飛款)/3,000日圓圈(含稅)
項鍊(艾斯款)/2,900日圓(含稅)


『龍珠Z THE REAL 4-D at 超天下一武道會』

不得了!!

©バードスタジオ/集英社・フジテレビ・東映アニメーション

想同悟空並肩作戰?咁你就真係唔可以錯過呢個4d show,影城獨創故事加上高質4d效果,上天下地同撒亞人博羅連埋身肉搏,同悟空一齊奮力使出龜波氣功,童年夢想啊!

打完大佬梗係整粒仙位回下血先啦! 仙豆/2,000日圓(含稅)
搵唔到龍珠o架!只供裝飾咋! 門票卡套/1,200日圓(含稅)
呢位沙冰個造型無得頂,飲完仲可以留番隻杯放屋企留念添!


『JOJO的奇妙冒險 THE REAL 4-D DIO的世界』

這場戰鬥深深烙印在心!!

©荒木飛呂彦&LUCKY LAND COMMUNICATIONS/集英社・ジョジョの奇妙な冒険SC 製作委員会

全球累積發行過億,作品獨特世界觀已經超越漫畫,甚至連角色造型亦曾被製作時裝,稱JOJO為藝術漫畫亦絕不為過!初登場就以4d劇場重現第三部決戰DIO嘅高潮位作為劇目!喺呢場決戰可以感受DIO如何將時間任意操控,體驗JOJO嘅超爽快華麗體感吧!

手錶(DIO款)/8,000日圓(含稅)
手錶(承太郎款)/8,000日圓(含稅)


『銀魂LIVE TALK』

想試下被銀魂窒到開不了口嗎~?

©空知英秋/集英社・テレビ東京・電通・BNP・アニプレックス

講重量級又點少得「銀魂」,史上首次投身娛樂項目,可環球影城嘅「萬事屋」作為舞台,親身體驗成為一份子嘅樂趣!遊客現場仲會被銀時為首嘅一眾角色吐糟,有別以上種種體驗,可謂相當別樹一格嘅有趣劇場。

留下回應

輸入你的評論
輸入你的名字