來到熊本,熊本熊的身影到處可見,但見得再多,始終都不及部長真身。想撞到佢其實唔難,只要到Kumamon Square內的營業部長室就有機會喇!活潑的熊本熊還會跳跳紮,擺各種pose和大家合照。不過身為熊本縣營業部長,熊本熊不時要出外活動宣傳,有時候還得去公幹,仲未計佢休息放假喎!為免摸門釘,出發前記得上官網記下熊本熊的辦公時間!

精品販賣區售賣多款熊本熊產品,當中唔少得由熊本縣職人製作的產品,別具當地特色。

話說當年熊本熊憑著那肥嘟嘟的萌樣人氣急升,唔只週邊超賣得,連帶熊本縣都變成旅遊熱點。不過一班追到嚟熊本的fans就投訴搵佢唔到,所以為了滿足各位fans和遊客,熊本縣特地改裝縣觀光物產交流廣場,並將部長室從縣廳移至熊本大廈,即現時的Kumamon Square,等大家可以日日見到熊本熊。

殺入熊本熊辦公室,見部長未到,Rie話要訓番陣先!
不單可以坐熊本熊個位拍照留念,還可以在桌上記事本留言給部長。
部長宗擺滿唔少熊本熊出活動,同其他大牌吉祥物合照。
仲有一班社會名人特登嚟探佢班添!

Kumamon Square一共分成四個區域,除了精品販賣區,最大賣點當然是熊本熊扮工的辦公室。房內放滿部長的私人物品和表揚狀,還有牠與不同人物和吉祥物的合照。來到這裡除了和熊本熊合照,不妨也花點時間細心參觀,了解部長平日的工作。除了營業部長室,熊本熊也會在交流舞台表演,無論大人定小朋友都一定會睇得開心。不過熊本熊咁受歡迎,想近距離看到牠的演出,記得要盡早霸位!

部長殺到啦!
梗係要捉實佢狂影合照啦!
部長表情多多,任影唔嬲添!
工作多多,真係好鬼惹笑!
搗蛋一輪,唔阻部長扮工。
話雖如此,但熊本熊始終貴熊事忙,既要工幹出 Show 又有大把應酬,唔同一般打工仔返足星期一至五兼狂 OT,想見佢千萬記得事前上官網睇清睇楚辦公時間,唔係千里迢迢撲場空就無謂啦。
部長若當席會有live跳舞演出,未開始前梗係睇下有乜精品手信啦!
編輯就最like呢款熊本熊蒼土窯圓碟 / 4,500日圓
土窯茶杯同咖啡杯都好吸引,3,000日圓有找都算經濟。
嚟啦!開show啦!睇下現場幾爆~
部長又唱又跳超賣力,全場大小朋友睇得超開心。
辛苦晒啦,部長!嚟個愛的抱抱,下次再嚟探你啦,熊本加油!

留下回應

輸入你的評論
輸入你的名字