大家好,我係阿榮。我最近對Twitter有好深感受,所以想同大家分享吓「Twitter對日本人嚟講真係好重要」!

好多人都知,日本人真係好鍾意用Twitter,就好似香港人好鍾意用Facebook咁,覺得呢個平台係萬能嘅,未嚟日本前,我本身都有Twitter account,不過好少用,但嚟咗日本之後,我真係發覺Twitter係生活上不可缺少嘅一部份!!!!!

1. 搵飛
對於我嚟講,我用Twitter主要係嚟搵飛,有陣時有啲live好想好想睇,但點知啲飛竟然賣晒!!!!!!!喺呢個時候唔使絕望嘅,Twitter真係你嘅好幫手!!!!!你上網打幾句嘢求飛,好多人會突然主動回你,問你係咪想要飛,又或者自己做主動去問放飛嘅人仲係咪放緊,好多都好好人,最重要嘅係,佢地唔係黃牛,係原價放的!!!!!

2. 識人
有好多人好鐘意喺Twitter識番啲同自己有相同興趣嘅朋友仔,例如鍾意打開邊隻game嘅,可以喺Twitter度搵到一大班同好,留吓言,讚好吓,講兩句就互相follow成為朋友㗎喇!!我自己都喺Twitter識到一啲音樂同好㗎~~~

3. 資訊散播
同面書一樣,有啲咩緊急嘢,真係立即喺Twitter度搵到,仲要散得好快!!!!天災level嘅不在話下啦,私人求救嘢都有㗎。我早排睇新聞,話有間蛋糕店落錯訂,240件蛋糕訂錯咗做2400件!!!!!痴線,點算呀?!?!!個店員一打上Twitter求救,呢個消息一散出去,全城幫手,立即喺3個鐘內就賣晒KO晒,你都咪話唔勁!!!

4. 發洩
有好多人會喺Twitter度打好多內心感受㗎,例如我同事。早排同我公司細我一年嗰個妹妹傾開計,講下平時點舒壓,佢就話自己每日打幾十條tweet去發洩!!!!!我相信個啲tweet應該唔係好見得人……嗰下係有啲驚咗嘅,因為我真係遇過一個喺平日見到面好正常嘅人,但係喺Twitter度佢啲態度呀用詞呀完全好似變左個人一樣!!!!!!!人格分裂咁…………

不過我覺得日本人對Twitter嘅依賴性嚴重好多,好似玩少陣Twitter唔得咁。但另一方面,如果冇左Twitter呢個平台畀佢地抖下氣,我諗好多日本人喺呢一刻都畀現實生活迫死左喇!唔單止喺日本,香港人同面書嘅關係其實都冇好幾多。

最後給大家一張最近拍嘢上左六甲山影嘅夜景。

分享
前一篇文章奇襲
下一篇文章終於回歸粉紅頭喇!
一個普通平凡的香港人,二十五歲時決定隻身遠赴日本工作,目前於鄉郊之地努力奮鬥中,所經歷之事被認為有點慘情(好似係)。並非勵志故事,純屬胡言亂語。

留下回應

輸入你的評論
輸入你的名字