真名井瀑布
傳說天照大神個孫瓊瓊杵尊降臨時,喺高天原移植水源至此潤澤大地,成為天真名井,亦為真名井瀑布的水源,據稱湧泉水有除病之效!

遊覽高千穗峽有兩種方法,其中一種便是靠自己雙腿漫步遊步道。柱狀節理崖壁、真名井瀑布等絕景雖然非常壯觀,但也別忘了高千穗三橋、鬼八力石等影相位,散步時記得細心欣賞沿途景色!

高千穗三橋
站在遊步道上,可一次過見到神橋、高千穗大橋同神都高千穗大橋,為打卡熱點之一!
柱狀節理
除咗撐船近距離欣賞奇岩異石,企喺神橋上俯瞰可睇晒全景,感覺更震撼,千祈唔好錯過!


撐船仔浪漫睇靚景

撐船仔深入高千穗峽頗有冒險味道,實際上從遊步道俯瞰則十足世外桃源般浪漫。

除咗喺遊步道上睇高千穗峽嘅全景,一睇嚟到當然要近距離感受吓絕景帶嚟嘅震撼先得啦!遊覧高千穗峽的第二個方法便是划著小船、走入峽谷,以另一個角度欣賞自然美景。

租船小屋位於御鹽井停車場附近,若閣下是從高千穗神社方向進入峽谷,可選擇行完遊步道先撐船。一隻小船可坐三個大人,而兩個五歲或以下小童就當做一個大人咁計,頭30分鐘收費為2,000日圓,其後每10分鐘300日圓,不過一般嚟講半個鐘其實都好夠用。

鴨仔餅 / 150日圓
上船前不妨買包鴨仔餅餵鴨仔同魚,就算小朋友食咗都無問題。

畀個小貼士大家,划船時船漿記得要垂直入水,咁先可以有效前進!留意返安全起見,河水上漲時租船小屋會暫停營業,有興趣嘅朋友出發前記得上網check check先!


神話衍生之地

唔知係咪因為此處景色全由大自然打造,所以特別多神話呢?除了真名井瀑布與天孫降臨有關,傳說高千穗神社所祭祀的神明三毛入野命曾在高千穗鄉附近退治惡鬼鬼八,而當時鬼八就向三毛入野命投擲重約200噸嘅巨石!這塊巨石現時坐落於遊步道上,並被綁上神道教用以潔淨的注連繩。其實高千穗峽內有不少寫著神話故事的木牌,來訪時不妨多加留意!

留下回應

輸入你的評論
輸入你的名字