返古代其實唔洗穿越嘅,更加唔洗問叮噹借時光機,搭程車去同區嘅江戶村就即刻返到 400年前江戶。無論係大河劇戲迷又好,真文青歷史控又好,變一變裝包您影相影到手仔軟啊!

要融入江戶村,第一件事是換裝!變身處位於水車小屋附近,收費依角色而定,成人最少只需3,800日圓便可穿一天,若遇上限時優惠就更平,非常抵玩!

今次Rie同阿Jam扮嘅係「傾奇者」,佢哋喜愛穿著華麗而顏色鮮艷的服裝,鍾情奇怪事物、行為超越常識,連配戴的武器亦較浮誇,著嚟影相特別搶鏡!不過要留意變身名額每日只限1男1女,價錢為6,800日圓,想扮佢哋就要快手啦!


不可錯過 傳統江戶劇場

高冷美艷的花魅,靚到呢!

相信大家對酒江戶的認識大多來自劇集吧?江戶時代(1603年至1867年)雖已過去百多年,但武士、花魅等特色文化卻成了日本象徵。今時今日有不少日劇及動漫電玩作品仍以江戶大事和人物作主題,即使已是老梗但依舊廣受歡迎。如同大家常在電視看歷史劇,以前江戶人也頗愛看劇場表演,是一種特別的娛樂活動。所以要體驗江戶生活,又怎能缺少這一環?

坐船欣賞村內風光一樣得,抵死風趣嘅船夫仲會同您吹下水,講解下江戶歷史。

江戶村內設有不少大型劇場,例如兩國座、大忍者劇場等,而且每天定時定候上演精彩劇目。除了以著名人物為藍本,也有以忍者等特別職業為題材的表演,亦少不了以江戶人日常生活為主題的處境劇。無論室內表演還是戶外演出都有,務求讓大家在多項精彩節目中,深入認識江戶文化。由於表演眾多,有興趣的朋友記得check清楚時間表,計劃好行程,才不會錯過各項精彩演出呢!

  • 日光江戶村
  • 栃木縣日光市柄倉470-2
  • 3月20日至11月30日 9:00am-5:00pm
    12月1日至3月19日 9:30am-4:00pm

  • 星期三定休,12月8至21日維護休業

  • 東武鐵道鬼怒川溫泉站轉乘往「日光江戶村」巴士,於總站下車

留下回應

輸入你的評論
輸入你的名字