即使沒有看過《花生漫畫》,也一定認得裡面的白色狗仔Snoopy和他的主人查理布朗。原來外表可愛、造型多多的Snoopy也深得日本人歡心!早在2014年4月,Snoopy便帶著牠的朋友來到九州插旗,開設Snoopy茶房。

間隔上有多幅掛畫,將櫻花、和服等日本元素與Snoopy人物來個crossover,別具特色。

為咗打入日本市場,Snoopy其實好識do,入鄉隨俗換晒和服兼化身成和風料理,務求令更多人認識佢,兼且拜倒喺佢嘅萌樣之下。結果仲進駐三重縣,開埋伊勢分店囉!

貴為全世界首間和式茶寮,由布院的Snoopy茶屋從外部便已花足心思。茶屋主要分成三個區域,首先為室外的雪糕小屋。若然沒有時間入內慢慢逛,買杯綠茶雪糕消消暑也是不錯選擇。

Snoopy抹茶Latte(冷/熱) / 800日圓

抹茶味香濃,甜而不膩。而立體的Snoopy從Latte冒出頭來,淨係賣相已經加晒分。

不過嚟得囉,就梗係要入去朝吓聖!茶屋內部設有商店,甫進屋便有大大隻Snoopy坐在鞦韆上悠哉悠哉的迎接大家。商店內從公仔到小食都應有盡有,亦有不少在這裡才買到的限定商品,各位Snoopy fans預咗買到大出血!

Woodstock行司公仔 / 1,836日圓

「行司」為相撲裁判,穿上行司服的Woodstock威風得嚟又帶點呆萌,都幾cute cute㗎喎!

Snoopy陶瓷茶杯 / (大)1,080日圓、(細)972日圓

白色的陶瓷茶杯上,畫有Snoopy、查理布朗和Sally的圖案,簡約得嚟又不失可愛,飲茶都開心啲!

(上)罐裝砂糖仙貝 / 735 日圓
(中)罐裝三色仙貝 / 735 日圓
(下)罐裝小櫻仙貝 / 735 日圓

鐵罐上畫有和服打扮的角色,食完仙貝留返嚟放小物就最啱!

而食物方面,多款餐點全部睇得又食得,可愛得嚟味道方面都有保證。不過最緊要都係畀相機食先,用嚟打個卡呀嘛!睇怕fans嚟之前除咗儲定彈藥,仲要記得留返啲手機同相機嘅記憶體容量!

熱香餅配雲呢拿雪糕連抹茶蕨餅 / 680日圓

除了熱香餅上的忌廉和定番的雪糕,還附有彈牙的抹茶蕨餅,非常足料。

Snoopy漢堡蛋包飯 / 1,620日圓

以本地蛋製成的嫩滑蛋皮,配上廚師親手調配的香濃牛肉汁,令人食指大動。

超大Snoopy任你影!

嚟到Snoopy茶屋,又點可以唔同主人翁影返張相先得㗎。窗邊的梳化放咗一隻半個人咁大嘅巨型Snoopy,無論你想高抄自拍,抑或攬實花痴,都一樣任影唔嬲!

  • SNOOPY茶屋
  • 大分縣湯布院市湯布院町川上1524-27
  • 3月11日至12月10日 商店 9:30am-5:30pm、餐廳 10:00am-5:30pm
    12月11日至3月10日 商店 9:30am-5:00pm、餐廳 10:00am-5:00pm

  • 年中無休

分享
前一篇文章青森立佞武多 傳承祭典藝術
下一篇文章北海道築地 直擊函館朝市
Go!Japan編輯部師奶殺手!個人專欄《型事偵緝檔案》、《壹號黃庭》統統唔出得街,另有編務歌神之稱,一曲《深花放》唱到街知巷聞!

留下回應

輸入你的評論
輸入你的名字