可以咁近距離觀賞呢啲巨型雪怪,唔睇真係走寶喇!

作為大雪地區,去阿仁地區除了體驗Matagi生活,當然要去森吉山睇樹冰啦!如果大家以為只要落雪的地區就可以見到樹冰就大錯特錯了,在日本,只有東北的部分山區才可以看到瑰麗的樹冰,可謂十分罕見!

搭纜車上山時,沿途可以靜靜欣賞這片銀白的夢幻世界。

那麼樹冰是怎樣形成的呢?其實是由日本海吹來溫暖水氣,先在樹梢結成霧冰,漸漸連大樹都凝結,加上強風颳起地面積雪加速冰雪凝結,遂造就龐大的樹冰,每個形狀各異,高低不一,望落真係有幾分似妖怪,所以樹冰有「雪怪」之稱。識睇就梗係搭纜車上山頂睇,可以居高臨下欣賞這個神奇景觀,完全就是大自然創造的藝術品啊!


輕鬆變身滑雪天才

想滑得夠型,梗係要學我哋玩雪上單車啦!

來到就不只是賞樹冰這麼簡單,其實場內還可以玩雪上單車(Snowscoot),一般滑雪就未必人人都能很快學會,但雪上單車操作較簡單,連小朋友都可以好快上手呢!加上雪上單車不如滑雪板般用底板固定雙腳,所以減低了受傷的機會,真係男女老幼都啱玩啊!

喺雪地頭搖又尾擺真係話都冇咁易啦!
  • 森吉山阿仁滑雪場

  • 秋田縣北秋田市阿仁鍵之瀧79-5

  • 冬季滑雪期間 9:00am-4:00pm

  • 秋田内陸縱貫鐵道阿仁合站轉乘的士約20分鐘

留下回應

輸入你的評論
輸入你的名字