做生意真係唔容易,就連日本老牌MARKER筆廠都要轉型開源,推出新企劃MAGIC飯素!!而系列第一彈主打關西系列,推出大阪限定:章魚丸、串炸;神戶限定:咖哩、餃子;和歌山限定:梅乾;京都限定:七味唐辛子;滋賀限定:煮花蜆;淡路島限定:烤洋蔥一共9種口味,每支有約6g飯素,賞味期210日。價錢方面每款680日圓,暫時只有關西地區手信店與大型雜貨店有售,去開關西旅行叫做又多款新潮手信選擇。另外再提提大家,真係飯素嚟,唔係MARKER。

用筆型飯素點綴下白飯,呢啲咪生活態度囉。
賞味期有 210日,做手信一流。

MAGIC飯素「マジックふりかけ」
售價:680日圓
賞味期:210日
銷售點:關西地區手信店與大型雜貨店

分享
Go!Japan編輯部師奶殺手!個人專欄《型事偵緝檔案》、《壹號黃庭》統統唔出得街,另有編務歌神之稱,一曲《深花放》唱到街知巷聞!