勁擦冰糖水果

原來大阪都有冰糖葫蘆食?來到大阪,不少人也會去影著名吉祥物食倒太郎,至於全道頓堀唯一一間水果食店Taro’s Parlor就在食倒太郎後面開舖,店面雖然冇吉祥物幫手吸睛,不過因此錯過冰糖水果串就真的有點可惜。日本水果出名又甜又多汁,當造時期美味更上一層樓,冰糖水果串是港人熟悉的經典小食,不過水果選擇更多,又本著日本人細心的服務態度加上底托防止糖水滴落,最後串一粒冰糖棉花糖,結束整串酸甜平衡恰到好處的冰糖水果串,這種小小變奏的確值得特地到來嘗試!

認住食倒太郎,就可以搵到Taro’s Parlor喇!
冰糖提子串 – 踏入提子季,點可以錯過貓眼提子×香印提子嘅夢幻組合?淋上冰糖甜上加甜,鍾意日本水果唔好錯過!
什錦水果牛奶 – 菠蘿、橙、桃、香蕉以及牛奶blend埋一杯,味道意外不錯,水果味清新自然,整體偏淡一點,值得一試!
雪山雜果芭菲 – 杯入面由士多啤梨啫喱、雜果、芒果雪糕層層疊起,再加上西瓜片,會唔會太過豐盛呢!
雜果杯 – 簡簡單單一杯水果,就算睇落平平無奇,單以新鮮滋味亦可打動人心。
冰糖雜果串 – 外層冰糖較厚,咬碎之後容易黐上面同頭髮,不過勝在一大串拎住影相真係好威威!
鍾意自己搣橙皮或者大啖?蘋果,仲有原個水果可以揀。

Taro’s Parlor
地址:大阪市中央區道頓堀1-7-21 中座食倒大樓1/F
電話:06-7652-9164
營業時間:11:00am-10:00pm
定休日:年中無休
交通:大阪市營地下鐵難波站徒步約5分鐘
網頁:https://tarosparlor.wixsite.com/taro