發掘明治美味

鯛魚燒與刨冰也是有名的日式甜品,雖然近年花樣愈來愈多,鯛魚燒雪糕、雜錦刨冰等等在香港也能吃到,相比之下「基本款」似乎冇乜新意。不過唔搞咁多花臣,要以「基本款」吸引食客就極考師傅功夫,東京鯛魚燒百年老店浪花家就憑懷舊風味一路經營至今,想試試明治時期至今代代相傳的鯛魚燒滋味,就一定要來浪花家!至於今次到訪的大阪浪花家,其實是總本店的分支,師傅村上先生首次嘗到浪花家鯛魚燒便被浪花家的紅豆餡迷倒,自薦成為浪花家弟子整整五次,被拒四次後終於成功,經過五年修行後終於出師,而家關西都可以食到浪花家真傳鯛魚燒同刨冰嘅味道喇!

鯛魚燒 – 牌鯛魚燒的紅豆蓉甜而不膩,沒有顆粒的軟綿口感配搭香脆極薄外皮,趁熱食味道最正,不過亦有禮盒裝可以選擇,帶返屋企同屋企人一齊食都好好食㗎。
大大份紅豆餡擺入燒模,睇到已經知落足料,好想快啲食到!
店內有和式蒲團坐位,矮桌仲係鯛魚燒圖案,打卡一定要影埋張枱呀!
宇治金時刨冰 – 炎炎夏日就算是鯛魚燒也會滯銷,頂替的冰品卻意外爆紅,現在則是期間限定推出,紅豆不用說,就連淋面的糖漿也是自家製,刨冰細緻綿密、入口即溶,宇治丸久小山園抹茶清新茶甘×蜜紅豆甜味的味道平衡恰到好處,夏天來一碗解渴非常。

天然鯛魚燒 大阪浪花家(天然たいやき 大阪浪花家)
大阪市北區中崎 1-9-21
電話: 06-6371-1877
營業時間:11:00am-8:00pm
定休日:不定休
交通:大阪市營地下鐵中崎町站徒步約1分鐘
網頁:https://www.facebook.com/naniwaya.osaka/