樓上隱世和風小店 尋找大正浪漫

踏上狹窄的樓梯,又有誰想到這家走現代和風的小店,背後竟是經營超過90年的化妝品老字號?1942年起是日本所謂的「大正浪漫時代」,女性開始抬頭走向現代化,Yoroshi化粧堂亦從那時起以專業美容師為標準,製作出賣給普通大眾使用的化妝品。店內貫徹品牌風格,極簡裝潢配上和風的商品包裝,示範如何將現代和傳統兩種風格完美揉合。店內最具話題性莫過於購物同時可以體驗傳統和裝「袴」,一次滿足購物慾和好奇心,一嘗變身的心願!

店面不大,但燈光柔和、空間感十足,客人可以逛得舒適。A02)想好似店員一樣做一次大和撫子?只要在店內消費滿1,500日圓以上,就可以試穿上「袴」拍照留念。
試穿體驗絕不欺場,店內有多款袴任君選擇。
除了袴之外,還有多種充滿復古味小道具,夠曬誠意!
袴嘅好處就係可以和洋混合,例如用最經典嘅古典棗紅色「矢羽根」花紋,配上西洋風草帽都毫無違和感。

店內人氣產品排行榜

最hit產品必數米糠洗顏粉 – 明明成分簡單,但洗完後皮膚變得極有透明感!

其次為護手霜,分別有抹茶、柚子、櫻花三種味道,但就每款各有四種包裝可以選擇,今次真係花多眼亂啊!
男士陪逛就一無所獲?未必!店內同樣人氣的洗髮肥皂,價錢大件夾抵食之餘,仲係得獎商品,深得唔少男顧客熱棒,買嚟送俾身體男性就最啱!
購買任何商品再加108日圓,店員會包上手製送禮用包裝,靚到咁,收到點會捨得拆?

よろし化粧堂 (Yoroshi化粧堂)
地址:東京都台東區淺草1-26-4笹野大廈2/F
電話:03-3841-0460
營業時間:11:00am-6:30pm
定休日:星期二
交通:JR田原町站徒步約3分鐘
網址:http://yoroshi.co.jp/

分享