坐在小火車上俯瞰過岩戶川溪谷後,接下來便要走進高千穗峽谷中,近距離欣賞奇岩瀑布。據講在12萬年前和9萬年前,阿蘇山曾兩度爆發,產生的火山碎屑流沿著五瀨川流動並急速冷卻,因而造成現在所見、一層一層風琴般的柱狀節理崖壁。一個絕景已經令人讚嘆,而家再加埋真名井瀑布從17米高的峽谷上傾瀉而下,兩個自然美景完美融合,望見如此壯麗景色只能震撼得連連驚呼,親身感受何為美得令人屏息。

遊覽高千穗峽有兩種方法,其中一種便是靠自己雙腿漫步遊步道。前文提及的絕景雖然非常壯觀,但也別忘了高千穗三橋、鬼八力石等影相位,散步時記得細心欣賞沿途景色!

除咗喺遊步道上睇高千穗峽嘅全景,一睇嚟到當然要近距離感受吓絕景帶嚟嘅震撼先得啦!遊覧高千穗峽的第二個方法便是划著小船、走入峽谷,以另一個角度欣賞自然美景。租船小屋位於御鹽井停車場附近,若閣下是從高千穗神社方向進入峽谷,可選擇行完遊步道先撐船。一隻小船可坐三個大人,而兩個五歲或以下小童就當做一個大人咁計,頭30分鐘收費為2,000日圓,其後每10分鐘300日圓,不過一般嚟講半個鐘其實都好夠用。畀個小貼士大家,划船時船漿記得要垂直入水,咁先可以有效前進!留意返安全起見,河水上漲時租船小屋會暫停營業,有興趣嘅朋友出發前記得上網check check先!

高千穗峽
地址:宮崎縣臼杵郡高千穗町大字三田井御鹽井
電話:0982-73-1213
交通:高千穗巴士中心轉乘的士約7分鐘
網址:http://takachiho-kanko.info/sightseeing/takachihokyou.php?cate=all&nav=1

留下回應

輸入你的評論
輸入你的名字