大家好,我係阿榮。

上回講到有個朋友介紹咗我去廣東話教室做老師(其實似係助理多啲)。

嗰度有一個識講廣東話嘅日本人(都唔係真係話好標準嘅不過,但已經好流利!)做主場老師,以下叫佢日本人A,我就同佢傾吓計咁等啲學生可以聽吓廣東話又教吓佢地生字咁!

學生都係上咗年紀嘅姨姨太太,佢哋真係好鍾意香港不過!!!!

佢哋會成日走去香港玩,一年去幾次,就好似我哋一年都會飛幾次日本咁!!!

我問佢哋去香港有乜好做,因為佢地鍾意嘅星唔係哥哥就係謝霆鋒,點睇都唔似追星,佢哋就答我食嘢!!!!!!!!!!

我問鍾意食咩,佢地就話點心,不過重點不在好唔好味,係好唔好玩!!!!我聽完,!!!!!!!!!!!!!!!!,個心入面。食點心有咩好玩呀?

佢就話,好多酒樓都冇日文餐牌,就係咁先正,一可以測試下自己廣東話水平啦,二因為佢地唔識睇,所以會睇漢字,亂咁叫食,例如本身諗住叫饅頭,點知奶黃包!!!佢地話有陣期待感好正,失敗,下次會再接再厲,繼續試!!!!雖然其中一個太太試N咁多次都未叫到饅頭食,真係好神奇!!!!

我身邊真係有好多日本太太鐘意香港,我老闆佢以前鐘意黎明啦,然後次同個客食飯,個客係個上年紀姨姨,唔講唔知,原來佢都鐘意香港,仲去足廿幾次,香港買件tee,仲著十幾年!!!令我不禁諗到香港紡織業真係幾高quality㗎!

多數聽人講話鍾意香港都係上左年紀人,幾乎都冇乜年輕日本人會主動話鍾意香港,唔係去香港做都唔會主動廣東話,講鍾意最多只係話鍾意食中華料理(同香港料理有一段距離),或者淨係知百萬夜景,同埋只係特登迪迪尼公園玩耍。上堂陣,日本人A仲同我講大阪個香港觀光事務所執鬼埋!!!!!!喂,點搞呀,唔係話我地去日本shopping欣賞人地文化就算㗎嘛,我地都要做番啲威俾人地睇㗎嘛!舊人同物就越黎越舊,舊夠vintage係好有吸引力,但都要有新魅力先可以做到sustainable㗎嘛!諗下計啦!負責吸引外國人香港觀光負責人!

最後給大家一張完全同香港唔關事,但我聖誕節收到朋友整薑餅人相。

分享
一個普通平凡的香港人,二十五歲時決定隻身遠赴日本工作,目前於鄉郊之地努力奮鬥中,所經歷之事被認為有點慘情(好似係)。並非勵志故事,純屬胡言亂語。