識浸一定係浸熱砂浴!熱砂浴顧名思義是將你整個人活埋於攝氏50度至55度的熱砂之下,有別於一般溫泉的玩法夠晒新奇之餘,超過10分鐘的浸浴時間令人疲勞盡散,有效加強血液循環、改善頸緊膊頭不話下,更可改善女性周期不適及有美肌效果,聽到呢度相信好多女士都同小編一樣,即刻有興趣一試!但原來浸熱砂浴相比普通溫泉更「難捱」,因為頭部以下全身都被厚重的熱砂覆蓋,感覺就似畀鬼壓咁完全動彈不得,極考耐熱能力,其高溫及壓迫感未必人人捱得住,就連阿Jam都好幾次想靜雞雞爬起身走佬呢!不過當焗出一身汗後,出土一刻會變得放鬆舒暢,奉勸想達到浸浴效果就要忍耐吓喇!

既然熱砂浴咁特別,浸浴步驟當然亦同一般溫泉唔同。喺日本浸溫泉一般都要光脫脫入浴,但浸熱砂浴就需要先換上浴衣,留意浴衣內不可穿上任何衣服。隨後去到浴場會有專人指示進入早已掘好嘅砂坑,砂坑掘成頭高腳低形狀,唔怕浸得耐會身體不適!瞓啱位後工作人員會慢慢將熱砂鏟上你身上,當全身被活埋後就可以好好享受熱砂浴。浸浴期間溫泉熱力加上重約20公斤的熱砂,十足戶外焗桑拿,汗水會排山倒海地揮發出來,大約焗10至15分鐘就可起身沖洗身體!

山川砂蒸溫泉 砂湯里
地址:鹿兒島縣指宿市山川福元3339-3
電話:0993-35-2669
交通:指宿站轉乘的士約15分鐘
網址:http://www.seika-spc.co.jp/sayuri/

分享
Go!Japan編輯部師奶殺手!個人專欄《型事偵緝檔案》、《壹號黃庭》統統唔出得街,另有編務歌神之稱,一曲《深花放》唱到街知巷聞!