大家好,我係阿榮。

大家係香港係咪熱到hihi咁呢,唔好講笑係大阪都熱到成隻野咁,我真係好憎咁熱!!!!!

因為太曬太熱既關係,我而家lunch都係求其係公司附近既便利店買,唔好講笑,有去過日本旅行既都知,日本既便利店真係好便利架!!!!!!!!!!!!!!首先佢多種類既貨先啦!真心有陣時臨急臨忙唔記得買啲野,啲鋪頭又關哂個陣,便利店真係好幫手,入面幾乎咩都買到!

但對於我黎講,日本既便利店同香港最大既分別,亦都係我最鐘意佢既原因就係,可以買到正餐!!!!而且仲要係好味既!!!!今日我想同大家分享下日本咁多間便利店既好與壞。(以下完全係個人偏見)

7仔:咁多間便利店入面,我最鐘意食既就係7仔,唔好講笑,佢啲正餐真係好多款揀,而款款都係可以叫得上好味,就好似意粉咁,好多便利店都係得肉醬意粉,卡邦尼亞呢啲行野,但7仔呢佢有咩清酒蜆肉意粉呀,菠菜唔知咩意粉呀,三色椒加茄子類似咁上下,比較冇咁行既意粉俾人揀下!同埋佢成日轉款,所以唔驚悶~不過我最鐘意既都係佢既咖哩嘔飯!!!!!!!!!!!真心,好好味,雖然係便利店野,但係佢個牛肉係軟既!!!!我平時lunch會買番公司食,然後個咖喱香到公司同事會俾我傳染都去買黎食!!!!!

Lawson:而家屋企附近淨係得Lawson,所以最近幫襯多左,我主要係買佢個雞肉蒟蒻麵,真心誠意推介!!!!!唔好睇佢細細盒,但係佢都飽肚架,仲好低卡路里,好似得200幾,價錢都係200幾yen!!!另外,Lawson既肉串款色都比其他便利店既多,我成日買佢個豬肉串食,喂唔好講笑,脂肪比例好好架!!!所以食落就好好味,另外,皮呀大脾肉個啲都有~~~

Familymart:講真,我好少幫襯,可能係附近冇咩幾間咁啦,所以我評論唔到。不過上年係佢度買左個矇面超人包,係幾有趣既,雖然唔好味哈哈。

Ministop:因為公司附近有,所以我成日去!!!佢除左成日推出自家製既雪糕呀冰呀咁之外,我最鐘意既我個邊個間仲會有埋自家製既便當!!!!即係由個間鋪既staff當日親手整既便當,有幾親手就唔知,但感覺上係新鮮啲,唔似平時買既便當咁雪左好耐,仲要係又平又好味,好似300幾yen一個咋!!!我成日食佢個個燒賣便當,係juicy架喎!!!同埋Ministop仲會有魚生飯買!!!!真係好誇,因為有得賣之餘仲要都幾新鮮!!!

日本仲有好多唔同既便利店我冇提,不過講咁耐,其實間間都有佢既特色。試過咁多間便利店,我發現既係有一樣野一定唔伏,就係佢既咖啡!!!!!!真心好飲,100yen咋一杯(細size),但個味同出面街買300yen一杯既有得fight!!!!!所以我成日都係買黎飲~~~btw 我覺得最近Lawson用既冰咖啡杯幾靚~~

最後給大家一張同事聽到我亂講話想飲便利店咖啡佢真係特登落街買俾我我飲左覺得杯咖啡比平時好味左廿倍既相。

分享
前一篇文章不情願的第三者
下一篇文章日本狂燥議員見日本文化
一個普通平凡的香港人,二十五歲時決定隻身遠赴日本工作,目前於鄉郊之地努力奮鬥中,所經歷之事被認為有點慘情(好似係)。並非勵志故事,純屬胡言亂語。

留下回應

輸入你的評論
輸入你的名字