葫蘆溫泉於大正11年開業,屬近百年歷史的老字號,而此瀧湯自開業起便已存在,在日本其他地方很少有這型態的風呂。

方才介紹的地獄溫泉以觀光為主,如果想舒舒服服浸個靚溫泉可有好介紹?當然有,在別府地獄溫泉所在的鐵輪溫泉就有「ひょうたん溫泉」可以畀大家大浸特浸。呢度並唔係大家一般去溫泉時入住之溫泉旅館,而係「外湯」,有溫泉浸但不提供住宿,可以理解為公共浴場。無住宿好處係毋須負擔昂貴房租,只要幾百yen入場費就可以狂浸館內8個風呂。鐵輪溫泉泉種豐富,計有單純泉、食鹽泉、炭酸鐵泉等,連唔係度度有嘅熱砂浴都有,要試均晒都真係有排玩。必浸之選係「瀧湯」,溫泉水由3米高處傾瀉而下有如瀑布,咪睇佢條水柱好似唔大條,其實水由如此高度流落嚟已有一定力度,自己配合位置讓水柱沖落腳或腰等部份,可以做到類似按摩池嘅效果添!

葫蘆温泉(ひょうたん溫泉)
地址:大分縣別府市鐵輪159-2
電話:0977-66-0527
交通:JR別府站乘龜井巴士2、5、16、24或41號車約20分鐘於「鐵輪」站下車徒步約 6 分鐘
網址:http://www.hyotan-onsen.com/

分享
前一篇文章從後抱抱~迪士尼可愛BB衫
下一篇文章和歌山 奇岩怪石 橋杭岩
Go!Japan編輯部師奶殺手!個人專欄《型事偵緝檔案》、《壹號黃庭》統統唔出得街,另有編務歌神之稱,一曲《深花放》唱到街知巷聞!

留下回應

輸入你的評論
輸入你的名字