7.12 Mister Donut X Sanrio聯乘cute爆商品

Sanrio又同Mister Donut合作喇!今次搵嚟Hello Kitty同大玩crossover特製Goods!

6.24澀谷開業!SHIBUYA VR LAND多重VR體驗

繼VR SPACE同VR TOKYO PARK後,又有新VR主題樂園插旗澀谷。由豪斯登堡營運嘅SHIBUYA VR LAND將於聽日開始正式營業,場內有反轉笨豬跳、射擊、模擬戀愛(?)同鬼屋等多款遊戲等你玩,小編睇完條片都好想試玩笨豬跳呀!

海豹仔殺入原宿~「しろたん」限定Cafe明開張!

香港未必紅,但喺日本大人氣嘅海豹仔「しろたん」突襲原宿,聽日(7月13日)喺原宿正式插旗期間限定Cafe!舖名叫「ICE SIROTAN HARAJUKU」就知係為大家解暑啦...

方吉菇菇期間限定菜單登陸池袋PARCO!

種菇遊戲「方吉菇菇」曾經風靡一時,嚟緊7月26日至8月8日為止,方吉菇菇期間限定菜單即將登陸池袋PARCO嘅ハレノヒ(Harenohi)餐廳大玩Crossover,推出8款限定可愛餐點之餘,同時推出特色商品,玩東京住開池袋嘅撞正日期咪試下囉!

JAL x USJ 限時小黃人專機飛宮崎!

JAL(日本航空)同USJ環球影城大玩crossover推出小黃人主題飛機,航班將於7月27日就航!

日本M記開心樂園餐有得換Minions!

8月4日起,去日本麥當勞買開心樂園餐,就可以換到Minions玩具,一共12款,咁趣緻fans見到唔心動就奇啦!

山P拍廣告大騷身材~!

日本家具用品生產商LIXIL搵嚟山下智久同ピエール瀧做代言人,今次新出嘅3款廣告都有山P嘅出浴鏡頭,真係好鬼養眼~

真人版〈BLEACH〉電影預告曝光!

舊年〈BLEACH〉話要真人化,今日終於有廿秒特報睇吓喇~今次故事會以「死神代理篇」做主軸,由福士蒼汰飾演主角黑崎一護,預計2018年夏天上映。

〈你的名字〉Cafe Bus

繼主題cafe之後,〈你的名字〉又有新搞作。由8月3日至9月29日,WILLER巴士公司將會聯同Cool Japan Travel合辦〈你的名字〉Cafe Bus,將全日本僅有2架嘅開蓬Restaurant Bus打造成電影主題巴士,帶領乘客暢遊信濃町、新宿等電影場景。每位乘客仲可於車廂內享用cafe menu,兼獲贈贈品杯墊!收費為90分鐘5,800yen,現可於WILLER官網預約。

世界初!Dragon Ball Run~同悟空跑步!

日本將於9月舉辦全球首個Dragon Ball Run活動。是次路跑比賽賽程總長3公里,沿路會設有AR體驗、蒐集龍珠活動同歌手聲優表演等等,而且所有參加者均可獲贈胴着T恤一件,作為大會紀念品。
- Advertisement -

LATEST NEWS

MUST READ